З 12 студзеня па 23 лютага ў Нацыянальнай бібліятэцы Беларусі (3-ці паверх, кальцавы калідор) ладзіцца тэматычная кніжная выстаўка “Вялікія літаратурныя героі”.
За шматвяковую гісторыю свайго існавання мастацкая літаратура назапасіла незлічонае мноства герояў. Вядома, далёка не ўсе яны раўназначныя і раўнацэнныя, асабліва ў мастацкіх адносінах. Аднак самыя вядомыя з іх абавязкова ўвасабляюць ярка выяўлены нацыянальны характар.
Кожны герой не проста індывідуальнасць, не проста характар, але і мастацкае абагульненне раскрытых пісьменнікам чалавечых уласцівасцей, ён нясе на сабе адбітак роздумаў аўтара пра свет і чалавека. Многія з такіх тыпаў і характараў, дакладна разгаданыя аўтарамі, лёгка пазнаюцца.
Медэя і Антыгона, Гамлет і Фаўст, Дон Кіхот і Олівер Твіст, мадам Бавары і Наташа Растова, Раскольнікаў і Абломаў, двухаблічны Дорыян Грэй і славалюбівы Жульен Сарэль, герой-абаронца Тарас Бульба і "нявызначаны" Чычыкаў, мудры Сант’яга і слаўны салдат Васіль Цёркін…
Вялікія літаратурныя героі з’яўляюцца ў наш свет, каб навечна пасяліцца ў ім, быць творцамі і актыўна ўплываць на свядомасць.
Нацыянальная бібліятэка Беларусі распачынае новы год тэматычнай кніжнай выстаўкай “Вялікія літаратурныя героі”, мэта якой – паказаць чытачу, які народ якога славутага літаратурнага героя даў чалавецтву.
У аснову структуры выстаўкі пакладзены алфавітны прынцып, які здзяйсняецца на чатырох узроўнях: краіна–аўтар–твор–герой. Экспазіцыя налічвае больш за 400 выданняў розных перыядаў, ахоплівае вялікую частку сусветнай літаратуры, з’яўляючыся своеасаблівым даведнікам у акіяне літаратурных персанажаў, якія ўвайшлі ў культурную свядомасць чалавецтва.
На жаль, не ўсе героі і не ўсё творы, як і не ўсе пісьменнікі, могуць быць прадстаўлены на выстаўцы. Але нават у гэтым аб’ёме экспазіцыя дае магчымасць вызначыць асноўныя ідэі, прынесеныя ў наш свет тым або іншым літаратурным героем, прасачыць, як развіваўся яго вобраз у грамадскай свядомасці і што ён уяўляе сабой у нашы дні.
Выстаўка будзе цікавая для школьнікаў і настаўнікаў, студэнтаў і выкладчыкаў ВНУ, для заўзятых знаўцаў кніг і проста аматараў літаратуры.
Кантактны тэлефон: 293-28-86.
 |
 |
 |
||||||||||
 |
 |
 |
||||||||||
 |
 |
 |
