З 20 лютага па 12 сакавіка 2009 года ў Нацыянальнай бібліятэцы Беларусі (2-гі паверх, кальцавы калідор) працуе тэматычная кніжная выстаўка “Гонар маем!” да Дня абаронцаў Айчыны.
На выстаўцы прадстаўлена больш за 150 дакументаў з гісторыі Чырванасцяжнай Беларускай ваеннай акругі, вопыту ваеннага будаўніцтва ў рэспубліцы (пачатак 90-х гг.), а таксама дакументы, у якіх раскрываюцца асноўныя кірункі рэфармавання ваеннай арганізацыі дзяржавы і Узброеных Сіл на сучасным этапе. Бясспрэчную цікавасць выклікае унікальнае даведачнае выданне – энцыклапедычны слоўнік “Военное дело” Ф.А. Бракгауза і І.А. Ефрона, у якім асвятляецца перыяд з часоў глыбокай старажытнасці да ХХ стагоддзя, а таксама сучасныя ваенныя энцыклапедычныя і тлумачальныя слоўнікі, што змяшчаюць падрабязныя звесткі па сусветнай ваеннай гісторыі, ваенным майстэрстве і ўзбраенні.
У экспазіцыі прадстаўлены юбілейныя прэзентацыйныя выданні, падрыхтаваныя Міністэрствам абароны Рэспублікі Беларусь: кніга “Вооруженные Силы Республики Беларусь: 90 лет на страже Отечества”, арыгінальны камплект 12 DVD-ROM “Вооруженные Силы Республики Беларусь: новейшая история белорусской армии” (ДУ “Тэлекампанія ВаенТВ”), калектыўная праца ваенна-мастацкай студыі пісьменнікаў – паэтычны зборнік “Мы храним тебя, Беларусь!”, літаратурна-мастацкі дадатак да часопіса “Армия” – “Армия и культура”, юбілейны спецвыпуск часопіса “Армия”. Усе гэтыя выданні прадставяць чытачам максімальна дакладную інфармацыю “з першых рук” пра гісторыю беларускай арміі, адыграюць станоўчую ролю ў ваенна-патрыятычным выхаванні моладзі, паслужаць справе ўмацавання незалежнасці, сілы і росквіту нашай Радзімы.
Кантактны тэлефон: 293-28-86.
Спасылкі на інтэрнэт-рэсурсы:
 |
 |
 |
 |
 |
 |
