12 кастрычніка ў музеі кнігі Нацыянальнай бібліятэкі Беларусі адбылося адкрыццё выставачнага праекта “Авангард – кнізе”.
Праект задуманы як цыкл невялікіх выставак графікі мастакоў-наватараў. Першая выстаўка праекта “Іван Клюн, Пётр Львоў і Ніна Хлебнікава” складаецца з 17 акварэляў і малюнкаў, самы ранні з якіх датаваны 1909 годам, а апошні – 1936-м.
Рэалізаваць праект Нацыянальнай бібліятэцы Беларусі дапамагае знаўца авангарду і калекцыянер Леанід Закс, продкі якога выйшлі з беларускага Палесся. Сямейная калекцыя Заксаў знаходзіцца ў Швейцарыі і сёння актыўна прэзентуецца ў мастацкіх і навуковых кругах Еўропы і Расіі.
Адкрыла выстаўку намеснік дырэктара па навуковай рабоце і сувязях з грамадскасцю Нацыянальнай бібліятэкі Беларусі Людміла Кірухіна.
У мерапрыемстве ўзялі ўдзел калекцыянер Леанід Закс, намеснік дырэктара ДУ “Музей гісторыі горада Мінска” Пётр Хацько, загадчыца сектара захоўвання і абслугоўвання экспазіцыйных матэрыялаў Нацыянальнай бібліятэкі Беларусі, куратар праекта Ларыса Міхневіч.
Выстаўка будзе размешчана ў музеі кнігі па 20 снежня 2010 г.
 |
 |
 |
 |
 |
