28 мая ў мабільнай галерэі (3-ці паверх) адбылося адкрыццё выстаўкі дзіцячых твораў “Свет вачыма дзяцей”.
Упершыню ў Нацыянальнай бібліятэцы Беларусі экспануюцца працы навучэнцаў установы адукацыі "Мінская дзяржаўная гімназія-каледж мастацтваў", выкананыя ў майстэрнях педагогаў-мастакоў Ганны Варанкевіч і Святланы Даранкевіч. Аўтары работ – вучні пачатковых класаў. Выстаўка прымеркавана да Міжнароднага дня абароны дзяцей.
На адкрыцці выступілі першы намеснік дырэктара Нацыянальнай бібліятэкі Беларусі Алена Далгаполава, дырэктар Мінскай гімназіі-каледжа мастацтваў Лілія Мацура, намеснік дырэктара па вучэбнай рабоце Мінскай дзяржаўнай гімназіі-каледжа мастацтваў Святлана Данская.
Вучні гімназіі-каледжа прыйшлі на мерапрыемства з творчымі падарункамі. Яны выканалі для гасцей музычныя нумары.
Тэлефон для даведак: (8 017) 293 27 82, 293 27 67.
Е-mail: pr@nlb.by
 |
 |
 |
 |
 |
 |
