21 мая ў галерэі "Панарама" адбылося адкрыццё выстаўкі мастака Анатоля Паўлыгі.
36 пейзажаў прадстаўлены да ўвагі наведвальнікаў экспазіцыі.
Краявіды роднага краю – галоўная тэма творчасці Анатоля Паўлыгі. У сваіх работах мастак імкнуўся адлюстраваць зменлівы настрой прыроды і перадаць гледачу сваё ўспрыманне прыгажосці Беларусі.
На адкрыцці выстаўкі выступілі дачка жывапісца Таццяна Паўлыга і дырэктар мастацкай галерэі "Вільнюс" Алена Сухадолава.
Анатоль Паўлыга нарадзіўся 25 ліпеня 1934 года ў вёсцы Хоцькава Расонскага раёна Віцебскай вобласці.
У 1965 годзе ён скончыў мастацка-графічны факультэт Віцебскага дзяржаўнага педагагічнага інстытута. Яго выкладчыкамі былі знакамітыя беларускія мастакі Валянцін Дзежыц, Васіль Ганчароў, Рыгор Клікушын. Анатоль Ігнатавіч працаваў настаўнікам малявання і чарчэння ў школах Расонскага раёна, інспектарам аддзела адукацыі. У 1994 годзе выйшаў на пенсію і прысвяціў сябе творчасці. Жыў у вёсцы Булаўкі Полацкага раёна Віцебскай вобласці.
18 кастрычніка 2012 года Анатоля Паўлыгі не стала, аднак ён жыве і сёння ў сваіх творах.
Уваход на выстаўку платны, складае кошт наведвання агляднай пляцоўкі.
 |
 |
 |
 |
 |
 |
