Дзіўная справа – інтэрнэт адваяваў наш час, але не заваяваў нашы сэрцы. “Бібліяноч-2017” стала гэтаму лепшым пацвярджэннем!
21 красавіка з сёмай да адзінаццатай жыхары і госці сталіцы сабраліся ў Нацыянальнай бібліятэцы Беларусі, каб далучыцца да штогадовай міжнароднай акцыі ў падтрымку чытання і пераканацца – час культуры заўсёды актуальны! Кнігам, музыцы, танцам, гульням, жывым зносінам і радасным эмоцыям – быць! Быць заўсёды!
Вечар выдаўся насычаным і разнастайным, але ўсё самае рамантычнае і незвычайнае пачалося з надыходам цемры.
На “Начной панараме” падчас навукова-пазнавальнай лекцыі госці зрабілі “Падарожжа ў Сусвеце”, дакрануліся да паэзіі на чытаннях лірыкі “Есть только миг…”, нацешыліся сольным выступленнем Івана Нігруца і музыкай струннага трыа Мінскага палаца дзяцей і моладзі “Пад шчаслівай зоркай”.
Бліжэй да адзінаццатай прайшло тэатралізаванае закрыццё “Бібліяночы” з яркім неонавым шоу і ўдзелам ролераў і групы “Правакацыя”.
Партыі сыграны, песні праспяваны, святло згасла... свята адбылося. Дзякуй усім, хто ствараў гэты вечар – арганізатарам, удзельнікам, гасцям!
Спадзяёмся, у наступным годзе для ўсіх нас надыдзе чарговая цудоўная “Бібліяноч”. Да новых сустрэч! Дабранач!
 |
 |
 |
 |
 |
 |
