16 красавіка ў бібліятэцы адбылося ўрачыстае адкрыццё ХІ Міжнародных кнігазнаўчых чытанняў “Кніжная культура Беларусі XI – пачатку XX ст.”
Кнігазнаўчыя чытанні праводзяцца з 1998 года і сталі адным з найважнейшых мерапрыемстваў, якое аб’ядноўвае даследчыкаў і спецыялістаў розных краін, чыя навуковая дзейнасць звязана з кнігамі.
З прывітальнымі словамі да ўдзельнікаў і гасцей мерапрыемства выступілі дырэктар Нацыянальнай бібліятэкі Беларусі, доктар педагагічных навук, прафесар Раман Сцяпанавіч Матульскі, намеснік міністра культуры Рэспублікі Беларусь Васілій Мечыслававіч Чэрнік, першы намеснік міністра інфармацыі Рэспублікі Беларусь Ігар Уладзіміравіч Луцкі, рэктар Беларускай дзяржаўнай акадэміі мастацтваў, кандыдат мастацтвазнаўства, дацэнт Міхаіл Рыгоравіч Баразна.
На канферэнцыі сабраліся вучоныя з Беларусі, Літвы, Польшчы і Расіі, якія на працягу двух дзён будуць абмяркоўваць вынікі найнавейшых даследаванняў па гісторыі беларускага рукапіснай і друкаванай кніжнай спадчыны XI – першай паловы ХХ ст.
Тэлефоны для даведак: (8017) 293 27 81, 293 27 56.
Е-mail: pr@nlb.by
 |
 |
 |
