Для арганізацый-партнёраў па віртуальнай чытальнай зале Нацыянальнай бібліятэкі Беларусі адкрыты тэставы доступ да электронных рэсурсаў ProQuest.
ProQuest Central – найбуйнейшая паўнатэкставая база даных, змяшчае поўныя тэксты публікацый 500 газет, больш за 9 745 часопісаў і больш за 30 000 дысертацый. База даных уключае 28 тэматычных калекцый: бізнес і эканоміка, здароўе і медыцына, гуманітарныя, сацыяльныя, тэхнічныя навукі і многае іншае.
Digital Dissertations and Theses – электронны збор магістэрскіх і доктарскіх дысертацый, абароненых ва універсітэтах 80 краін. Самая поўная калекцыя дысертацый і аўтарэфератаў у свеце: каля 2,5 мільёна работ, з іх больш за 1 мільён маюць поўныя тэксты. Прадстаўлены ўсе галіны навуковых ведаў: фізіка, біялогія, сацыялогія, адукацыя, псіхалогія, мовазнаўства, літаратуразнаўства, мастацтва, філасофія, рэлігія і многае іншае.
Тэставы доступ ажыццяўляецца праз Віртуальную чытальную залу Нацыянальнай бібліятэкі Беларусі і прадастаўлены да 31.10.2009 г
