25 cакавіка ў Нацыянальнай бібліятэцы Беларусі адбылося пасяджэнне круглага стала на тэму “Бясплатныя крыніцы камплектавання бібліятэчных фондаў бібліятэк Беларусі”.
Мерапрыемства было арганізавана Нацыянальнай бібліятэкай Беларусі сумесна з Беларускай бібліятэчнай асацыяцыяй.
У рабоце круглага стала ўдзельнічала больш за 80 чалавек: кіраўнікі і спецыялісты рэспубліканскіх, абласных, раённых бібліятэк, а таксама бібліятэк адукацыйных і іншых устаноў.
Міністэрства інфармацыі Рэспублікі Беларусь прадстаўлялі намеснік начальніка упраўлення выдавецкай дзейнасці і кніжнага гандлю Р.А. Бабарыка і кансультант упраўлення вытворча-тэхнічнага развіцця Т.М. Куляшова.
З уступным словам да ўдзельнікаў круглага стала звярнулася намеснік дырэктара Нацыянальнай бібліятэкі Беларусі па інфармацыйных рэсурсах Т.В. Кузьмініч.
Падчас сустрэчы былі абмеркаваны актуальныя праблемы камплектавання фондаў беларускіх бібліятэк. Разгледжаны пытанні паступлення бясплатнага абавязковага экзэмпляра ў розныя бібліятэкі краіны, афармлення дароў бібліятэкам ад прыватных асоб і арганізацый. У выступленнях былі раскрыты магчымасці ўнутрырэспубліканскага дакументаабмену і пераразмеркавання дакументаў як эфектыўнай крыніцы камплектавання бібліятэчных фондаў.
Прадстаўнікі бібліятэк розных сістэм і ведамстваў абмяняліся вопытам плённага выкарыстання бясплатных крыніц для развіцця бібліятэчных фондаў.
З дакладамі выступілі:
- Мацкевіч А.П., заг. сектара прыёму дакументаў і кантролю за абавязковым асобнікам і Жукоўская М.В., заг. сектара ўнутрырэспубліканскага дакументаабмену і пераразмеркавання дакументаў аддзела камплектавання фондаў Нацыянальнай бібліятэкі Беларусі;
- Вашкевіч А.А., заг. сектара камплектавання аддзела бібліятэчных рэсурсаў Беларускай сельскагаспадарчай бібліятэкі ім. І.З. Лупіновіча Нацыянальнай акадэміі навук Беларусі;
- Талочка З.М., галоўны бібліятэкар аддзела камплектавання фондаў Рэспубліканскай навукова-тэхнічнай бібліятэкі;
- Анцыпяровіч А.А., заг. аддзела камплектавання, навуковай апрацоўкі і каталагізацыі Навукова-педагагічнай бібліятэкі ўстановы “Галоўны інфармацыйна-аналітычны цэнтр Міністэрствы адукацыі Рэспублікі Беларусь”;
- Карбановіч Н.Л., заг. аддзела камплектавання і каталагізацыі фондаў Фундаментальнай бібліятэкі Беларускага дзяржаўнага ўніверсітэта;
- Грудніцкая Т.А., заг. Музея навукі і асветы Полаччыны Полацкага дзяржаўнага ўніверсітэта;
- Берастава Л.К., заг. аддзела камплектавання фондаў Цэнтралізаванай сістэмы дзяржаўных публічных бібліятэк г. Мінска;
- Коцік Т.А., заг. аддзела камплектавання фондаў Дзяржынскай цэнтральнай раённай бібліятэкі;
- Раманчук І.П., заг. бібліятэкі дзяржаўнага агульнаадукацыйнага ліцэя г. Лунінца.