29 снежня ў канферэнц-зале Нацыянальнай бібліятэкі Беларусі прайшоў навагодні дзіцячы ранішнік.
Мерапрыемства ладзілася для дзяцей супрацоўнікаў бібліятэкі і выхаванцаў Жодзінскай агульнаадукацыйнай школы-інтэрната для дзяцей-сірот і дзяцей, якія засталіся без апекі бацькоў.
Запрошаныя прынялі ўдзел у навагоднім карагодзе, гульнях і конкурсах. Напрыканцы святочнага прадстаўлення выхаванцы школы-інтэрната атрымалі навагоднія падарункі ад прафкома і супрацоўнікаў Нацыянальнай бібліятэкі, якія бралі ўдзел у дабрачыннай акцыі “Здзейсні дзіцячую мару”.
Для маленькіх гасцей была праведзена экскурсія па Нацыянальнай бібліятэцы Беларусі.