Напярэдадні Сусветнага дня дзіцяці ў Нацыянальнай бібліятэцы Беларусі праводзіцца фотаконкурс “Маё СОНЕЙКА”.
Арганізатарамі выступаюць пярвічныя арганізацыі БРСМ і прафсаюза бібліятэкі. Да ўдзелу ў конкурсе запрашаюцца ўсе супрацоўнікі.
Мэта конкурсу – фарміраванне станоўчага вобраза інстытута сям’і і сямейных адносін. Задачы яго правядзення – павышэнне цікавасці да пытанняў выхавання дзіцяці ў сучасным грамадстве і далучэнне супрацоўнікаў бібліятэкі да заняткаў мастацтвам фатаграфіі.
Удзельнік прадастаўляе не больш за 3 фотаздымкі добрай якасці (але не больш за 1 у кожнай намінацыі) да 29 мая ў пам. 348с (Алесю Сушу) і 116 (Аксане Жаранковай). Пасля заканчэння конкурсу фатаграфіі будуць вернуты.
На адваротным баку здымка трэба пазначыць прозвішча, імя, імя па бацьку ўдзельніка; аддзел і нумар тэлефона; намінацыю; арыгінальны подпіс да фатаграфіі.
Ацэнка работ плануецца ў наступных намінацыях:
- Маленькая міс СОНЕЙКА;
- Маленькі містэр СОНЕЙКА;
- СОНЕЙКА і Мама;
- СОНЕЙКА і Тата;
- Адно СОНЕЙКА – добра, а многа – лепей;
- СОНЕЙКА весяліцца;
- СОНЕЙКА на сонейку;
- СОНЕЙКА дапамагае;
- СОНЕЙКА і вясёлае купанне;
- СОНЕЙКА падмацоўваецца;
- СОНЕЙКА і кніга;
- СОНЕЙКА і фотамантаж.
Фатаграфіі будуць вывешаны на стэндзе. Усе супрацоўнікі бібліятэкі запрашаюцца да галасавання за работы, якія спадабаліся. Пераможцаў чакаюць прызы.
Тэлефоны для даведак: 293-27-83, 293-25-56.