19 мая рэсурсы віртуальнай чытальнай залы Нацыянальнай бібліятэкі былі прадстаўлены для педагогаў Мінскай вобласці на анлайн-семінары “Год малой Радзімы. Вопыт і перспектывы развіцця краязнаўчай працы ва ўстановах адукацыі”, арганізаваным Мінскім абласным інстытутам развіцця адукацыі.
Семінар сабраў больш за 90 слухачоў: прадстаўнікоў органаў дзяржаўнага кіравання, педагогаў агульнай сярэдняй, сярэдняй спецыяльнай, дадатковай адукацыі дзяцей і моладзі з 23 рэгіёнаў сталічнай вобласці.
Загадчыца аддзела карпаратыўнага ўзаемадзеяння Марына Рудакоўская прадставіла для іх краязнаўчы кантэнт ВЧЗ: электронныя рэсурсы, якія ствараюцца бібліятэкамі краіны, базы даных генерацыі Нацыянальнай бібліятэкі і віртуальныя праекты, у тым ліку новы праект, прысвечаны 75-годдзю Перамогі ў Вялікай Айчыннай вайне, – “100 дзён да Вялікай Перамогі. Па старонках беларускіх газет 1945 года”.
Падчас анлайн-выступлення і абмеркавання ўдзельнікі семінара высока ацанілі ініцыятыву Нацыянальнай бібліятэкі па стварэнні ў віртуальнай чытальнай зале адзінага пункту аддаленага доступу да лепшых краязнаўчых электронных рэсурсаў нашай краіны.
Матэрыял прадастаўлены аддзелам карпаратыўнага ўзаемадзеяння.