ГалоўнаяНавіныНавіны бібліятэк
“Бібліятэка анлайн” – усё, што трэба ведаць чытачам “на аддаленцы”
Краязнаўчыя рэсурсы ВЧЗ – педагогам Мінскай вобласці

“Мой заснежаны рай…”

“Мой заснежаны рай…”
Іншыя навіны

Новае выданне паэзіі Уладзіміра Караткевіча.

Да 90-гадовага юбілею класіка беларускай літаратуры ў серыі “100 вершаў” выдавецтва “Мастацкая літаратура” выпусціла зборнік “Беларуская песня”.

О мой цудоўны край,
Мой заснежаны рай…
Ціхі званочкаў смех.
Снег у лесе начным,
Смех у садзе пустым,
Коней спакойны бег…

Karatkievich-1.jpg

Што ні радок – адусюль вынікае маляўнічы партрэт нашай Айчыны, нашы беларускія краявіды, нашы краскі і фарбы жыцця і прыроды. “Беларуская песня”, укладзеная цудоўным знаўцам паэзіі Віктарам Шніпам, адкрываецца вершам “Матчына душа”. Твор напісаны ў 1955 годзе. Так – “Матчына душа” – называецца і першы паэтычны зборнік У. Караткевіча, выдадзены ў 1958 годзе. Літаратурная крытыка неадназначна ацаніла тую знакавую кнігу. Недахопам лічылася і тое, што Караткевіч, пішучы на сур’ёзныя тэмы, захапляецца жартамі. Час вынес свае вердыкты. Сёння, пэўна, мяркуючы па чытацкай зацікаўленасці (за мінулыя дзесяць гадоў выдадзена каля 50 (!) кніг класіка), няма ў беларускай літаратуры болей сур’ёзнай з’явы, як здзейсненае Караткевічам у прозе, драматургіі, публіцыстыцы і паэзіі. А другі верш нараджэннем з 1955 года (ён і ў “Беларускай песні” ідзе следам за вершам “Матчына душа”). “Заяц варыць піва” даўно стаў хрэстаматйным творам.

“Орша”, “Паўлюк Багрым”, “Балада пра паўстанца Ваўкалаку”, “Машэка”, “Чорная балада Гаркушы” – з вершамі, адпаведна з падзеямі і героямі, якіх яны ахапілі, з думкамі, паэтычнымі вобразамі і сімваламі Уладзіміра Караткевіча можна смела выпраўляцца ў падарожжа па Беларусі сённяшняй і ўчарашняй, па гісторыі і сучаснасці.

Нагадаем, што ў серыі “100 вершаў” ужо пабачылі свет зборнікі Ніла Гілевіча, Генадзя Бураўкіна, Яўгеніі Янішчыц, Міхася Стральцова… З такой кніжніцы выбудоўваецца адмысловая бібліятэка, якая сведчыць пра сталасць, пра вышыні беларускай паэзіі.

Аўтар публікацыі: Мікола Берлеж
Крыніца: Созвучие

Навіны

Да 100-годдзя з дня нараджэння беларускага пісьменніка Аляксея Карпюка створаны інфармацыйны рэсурс пра яго жыццё і творчасць

4 Чэр 2020

“Электронны музей А.М. Карпюка” – такі новы праект Цэнтралізаванай бібліятэчнай сістэмы г. Гродна папаўніў калекцыю віртуальных музеяў, прысвечаных людзям, якія праславілі гэты край.

Бібліятэка анлайн

500-гадовы юбілей Астафія Валовіча, дзяржаўнага і грамадскага дзеяча ВКЛ, правазнаўца, мецэната-асветніка

5 Чэр 2020

З імем Астафія (Яўстафія) Багданавіча Валовіча (каля 1520 – 1587 ці 1588) звязана цэлая эпоха станаўлення беларускай дзяржаўнасці.

Па старонках беларускага календара

Вебінар па інфармацыйным напаўненні сайтаў РЗЭК

2 Чэр 2020

2 чэрвеня на віртуальнай пляцоўцы Нацыянальнай бібліятэкі адбыўся навучальны вебінар "Размяшчэнне навін і аб'яў у Рэгіянальным зводным электронным каталогу бібліятэк Беларусі", прысвечаны інфармацыйнаму напаўненню кантэнту рэгіянальных зводных каталогаў бібліятэк Беларусі.

Бібліятэка анлайн

Дызайн выдавецкай маркі Крыстафа Плантэна: погляд праз 500 гадоў

1 Чэр 2020

Сёлета святкуецца 500-годдзе знакамітага выдаўца Крыстафа Плантэна, які заснаваў ў XVI ст. тыпаграфію ў Антверпене і паступова ператварыў яе ў адну з лепшых у Еўропе. Ува многіх музеях і бібліятэках свету запланаваны мерапрыемствы, прымеркаваныя да святкавання юбілею друкара. Каб адзначыць юбілейную дату, Нацыянальная бібліятэка Беларусі таксама падрыхтавала шэраг акцый.

Навіны Нацыянальнай бібліятэкі Беларусі

111