Аддзелам бібліяграфічнай апрацоўкі дакументаў Нацыянальнай бібліятэкі Беларусі выдадзены практычны дапаможнік “Бібліяграфічнае апісанне кніжных выданняў: прыклады і метадычныя рэкамендацыі”.
Дапаможнік змяшчае прыклады бібліяграфічных запісаў на дакументы кніжнага тыпу і метадычныя рэкамендацыі па іх складанні. Выданне падрыхтавана на базе Нацыянальнай бібліятэкі Беларусі.
Прыведзена звыш 500 бібліяграфічных апісанняў на беларускай, рускай і замежных мовах. Усе бібліяграфічныя апісанні поўныя, каталожнага віду, забяспечаны аўтарытэтнымі запісамі на імёны асоб і назвы калектываў, а таксама звесткамі пра дадатковыя пункты доступу.
Асноўны тэкст дапаможніка структураваны ў адпаведнасці з галінамі бібліяграфічнага апісання і па сэнсавых групах унутры кожнага раздзела, маецца сістэматычны паказальнік. Найбольш складаныя каталагізацыйныя прыклады суправаджаюцца тлумачэннямі.
Прызначаецца ў дапамогу прафесійнай дзейнасці любых устаноў, якія каталагізуюць, а таксама сістэмы падрыхтоўкі, перападрыхтоўкі і павышэння кваліфікацыі супрацоўнікаў бібліятэк.
