19 лістапада а 16-й гадзіне ў галерэі "Лабірынт" адбудзецца прэзентацыя двух эксклюзіўных праектаў выдавецтва “Беларуская Энцыклапедыя імя П. Броўкі”.
Будуць прэзентаваны “Энциклопедия белорусского хоккея” і “Энциклопедия белорусского физкультурно-спортивного общества «Динамо»”
Выданне “Энциклопедия белорусского хоккея” прысвечана 20-годдзю развіцця хакея ў суверэннай Рэспубліцы Беларусь і Чэмпіянату свету па хакеі з шайбай, які пройдзе ў сталіцы Беларусі ў маі 2014 года.
Энцыклапедыя ўключае аглядныя артыкулы пра асноўныя этапы развіцця хакея ў нашай краіне, біяграфічныя матэрыялы пра вядомых трэнераў і майстроў айчыннага хакея, табліцы і статыстычныя дадзеныя чэмпіянатаў Беларусі і міжнародных турніраў з удзелам нацыянальнай зборнай нашай краіны.
Кніга “Энциклопедия белорусского физкультурно-спортивного общества «Динамо»” прысвечана 90-годдзю найстарэйшага спартыўнага таварыства краіны і раскажа чытачу пра гісторыю і традыцыі БФСТ “Дынама”, пакажа яго ўклад у развіццё айчыннай фізічнай культуры, беларускага і сусветнага спорту.
Акрамя прэзентуемых праектаў, да ўвагі прысутных будзе прадстаўлена тэматычная кніжная выстаўка. Экспазіцыя ўключае энцыклапедычную, даведачную, вучэбную літаратуру па сусветным, савецкім і беларускім хакеі, а таксама друкаваную рэкламна-інфармацыйную прадукцыю да Чэмпіянату свету па хакеі – 2014, выданні Федэрацыі хакея Рэспублікі Беларусь, кнігі, прысвечаныя найстарэйшай фізкультурна-спартыўнай арганізацыі Беларусі – таварыству “Дынама”, выпускі часопісаў аб беларускім спорце “Динамо”, “Юниор. Футбол, хоккей”, “Ваш спорт”.
Тэлефон для даведак: (8 017) 293 27 56.
Е-mail: pr@nlb.by