У новым будынку Расійскай нацыянальнай бібліятэкі 15 лістапада адбылося пасяджэнне Савета аддзялення Расійскага гістарычнага таварыства ў рамках VII Усерасійскага форуму публічных бібліятэк “Муніцыпальныя бібліятэкі новага пакалення: рэгіянальны погляд”, на якім Рэспубліку Беларусь прадставіў дырэктар Нацыянальнай бібліятэкі Беларусі Раман Сцяпанавіч Матульскі.
У рамках мерапрыемства Старшыня Расійскага гістарычнага таварыства Сяргей Яўгенавіч Нарышкін прэзентаваў кнігі бібліятэкі “Перамога” праекта “Прэзідэнцкая гістарычная бібліятэка”.
Бібліятэка “Перамога” падрыхтавана ў адпаведнасці з даручэннем Прэзідэнта Расійскай Федэрацыі Уладзіміра Уладзіміравіча Пуціна пад эгідай Расійскага гістарычнага таварыства выдавецкай групай “Эксмо-АСТ”. Ва ўнікальным пяцітомным выданні ўпершыню сабраны разам творы, напісаныя і апублікаваныя непасрэдна ў перыяд 1941–1945 гг.
Пасля заканчэння пасяджэння зборнік кніг быў перададзены ў расійскія і замежныя бібліятэкі. Пяцітомнік “Перамога” папоўніў і фонд Нацыянальнай бібліятэкі Беларусі.
Матэрыял прадастаўлены аддзелам сувязей з грамадскасцю.