26 красавіка ў бібліятэцы адбыўся семінар “Інфармацыйныя рэсурсы выдавецтва Кембрыджскага ўніверсітэта для навуковай і адукацыйнай супольнасці”.
Мерапрыемства было арганізавана Нацыянальнай бібліятэкай Беларусі сумесна з адным са старэйшых і найбольш аўтарытэтных універсітэцкіх выдавецтваў – “Cambridge University Press”, якое выпускае прэстыжныя выданні па лінгвістыцы, праву, эканоміцы і іншых гуманітарных і грамадскіх навуках.
Падчас семінара прагучала выступленне Лешака Чарвінскі, рэгіянальнага менеджара ў Польшчы, краінах Балтыі і СНД, які прадставіў удзельнікам агляд асноўных выдавецкіх калекцый, магчымасці і перавагі новай выдавецкай платформы Cambridge Core, а таксама правёў трэнінг па падрыхтоўцы і размяшчэнні публікацый ва ўплывовых навуковых выданнях. У семінары прынялі ўдзел спецыялісты бібліятэк і інфармацыйных цэнтраў Беларусі, навуковыя супрацоўнікі, выкладчыкі вышэйшых навучальных устаноў, маладыя навукоўцы вучоныя, аспіранты, магістранты, аўтары навуковых публікацый.