31 мая 2009 года ў дзіцячым пакоі Нацыянальнай бібліятэкі Беларусі пройдзе святочнае мерапрыемства “Шчаслівае дзяцінства!”, прысвечанае Міжнароднаму дню абароны дзяцей.
Удзельнікі мерапрыемства пазнаёмяцца з гісторыяй стварэння і святкавання Міжнароднага дня абароны дзяцей у свеце і ў нашай краіне. Таксама іх чакае падарожжа на вясёлым паравозіку па забаўных станцыях, у працэсе якога дзеці прымуць удзел у разнастайных конкурсах і вясёлых гульнях. Юныя наведвальнікі змогуць прадэманстраваць музычныя і танцавальныя здольнасці на станцыях “Танцавальная” і “Спеўная”, а віктарына “Казачная” дазволіць знаўцам казак праявіць сябе.
Сюрпрызам для дзяцей-удзельнікаў будзе станцыя “Паветрана-пузырковая”, на якой іх чакаюць гульні і конкурсы з паветранымі шарамі і мыльнымі бурбалкамі. Станцыя “Ласункавая” дазволіць юным удзельнікам зразумець, што цукеркі не толькі ядуць, а з імі яшчэ і гуляюць. Завяршыцца падарожжа на станцыі “Творчая” стварэннем калажаў на тэму “Няхай заўсёды буду я!”.
Запрашаюцца дзеці 5–9 гадоў.
Час правядзення – 12.00–13.30.
Кантактны тэлефон: 293-25-34.