6 чэрвеня ў бібліятэцы адбылася навукова-практычная канферэнцыя “Электронная культура”.
Арганізатары – Міністэрства культуры Рэспублікі Беларусь і Нацыянальная бібліятэка Беларусі.
З прывітальным словам выступілі намеснік міністра культуры Рэспублікі Беларусь Сяргей Шарамецьеў і дырэктар Нацыянальнай бібліятэкі Беларусі Раман Матульскі.
На пасяджэнні ўнікальным вопытам па ўкараненні сучасных інфармацыйна-камунікацыйных тэхналогій у дзейнасць устаноў падзяліліся спецыялісты Аб’яднанага інстытута праблем інфарматыкі НАН Беларусі, Нацыянальнага інстытута адукацыі, Міжгаліновага навукова-практычнага цэнтра сістэм ідэнтыфікацыі і электронных дзелавых аперацый, Беларускага дзяржаўнага музея гісторыі Вялікай Айчыннай вайны, Мінскага дзяржаўнага палаца дзяцей і моладзі, Інстытута павышэння кваліфікацыі і перападрыхтоўкі кадраў установы адукацыі “Беларускі дзяржаўны ўніверсітэт культуры і мастацтваў”, Мінскай цэнтральнай раённай бібліятэкі.
Падчас канферэнцыі прагучалі даклады супрацоўнікаў Нацыянальнай бібліятэкі Беларусі: намесніка дырэктара Нацыянальнай бібліятэкі Беларусі па навуковай рабоце і выдавецкай дзейнасці Аляксандра Сушы; загадчыцы сектара сацыяльных і маркетынгавых даследаванняў Вольгі Бандарчук і вядучага бібліятэкара Кацярыны Седневай (НДА бібліятэказнаўства); загадчыка сектара інфармацыйнага забеспячэння інавацыйнай дзейнасці Вячаслава Брычкоўскага, галоўнага бібліёграфа Людмілы Гарбачовай і вядучага бібліятэкара Любові Даніленка (аддзел карпаратыўнага ўзаемадзеяння); вядучага бібліёграфа інфармацыйна-аналітычнага аддзела Таццяны Лаўрык і бібліятэкара аддзела бібліятэчна-інфармацыйных тэхналогій Уладзіслава Жыдовіча.
Канферэнцыя прайшла плённа, насычана і цікава. Спецыялісты імкнуліся максімальна поўна адказаць на пытанні калег, разгараліся жывыя дыскусіі.
Сайт канферэнцыі "Электронная культура"
Матэрыял прадастаўлены аддзелам сувязей з грамадскасцю і інфармацыйна-аналітычным аддзелам.