3 чэрвеня ў дзіцячым пакоі прайшлі творчыя заняткі, на якіх дзеці зрабілі аплікацыю ў змешанай тэхніцы “Буслік у буслянцы”.
Фігурку белага бусла і пушыстае крыльца ўдзельнікі выразалі з паперы і ватных дыскаў. Аб’ёмную буслянку зрабілі з сапраўдных галінак дрэва і тонкіх жгуцікаў пластыліну. Усе дэталі кампазіцыі па чарзе наклеілі на размаляваную акварэльнымі фарбамі кардонную аснову.
Арыгінальны выраб, рухавая музычная гульня “Бусел” і пазнавальны аповед пра гэтых дзіўных даўганогіх птушак дапамаглі дзецям даведацца ў вясёлай гульнявой форме шмат новага і цікавага.
Чытайце таксама пра іншыя мерапрыемствы дзіцячага пакоя і сачыце за анонсамі наступных заняткаў.
Матэрыял пададзены аддзелам запісу і інфармавання карыстальнікаў.
