17 мая ў галоўнай бібліятэцы краіны ў рамках пасяджэння клуба “П3 фармат: Педагог. Патрыёт. Прафесіянал” адбылася дыялогавая пляцоўка “Захаванне гістарычнай памяці – умова захавання міру”.
У мерапрыемстве ўзялі ўдзел генеральны дырэктар Нацыянальнай бібліятэкі Беларусі Аксана Кніжнікава, начальнік галоўнага ўпраўлення ідэалагічнай работы і па справах моладзі Мінгарвыканкама Вольга Чамаданава, старшыня секцыі па адукацыі і патрыятычным выхаванні ў маладзёжным савеце пры Мінскім гарадскім савеце дэпутатаў Марыя Буніна, навучэнцы Мінскага гарадскога педагагічнага каледжа.
Удзельнікі дыялогавай пляцоўкі абмеркавалі пытанні захавання гістарычнай спадчыны і гістарычнай памяці, патрыятычнага выхавання моладзі, яе ролі ў сучасным свеце.
Прыемным момантам сустрэчы стала ўручэнне чытацкіх білетаў Нацыянальнай бібліятэкі Беларусі навучэнцам 1-га курса спецыяльнасцей “дашкольная адукацыя” і “пачатковая адукацыя” Мінскага гарадскога педагагічнага каледжа.
Жадаем нашым новым чытачам заўсёды ісці на святло ведаў, знаходзіць час для чытання кніг і стаць сапраўднымі педагогамі, прафесіяналамі і патрыётамі краіны!
Матэрыял пададзены аддзелам сувязей з грамадскасцю.
