Генеральны дырэктар Нацыянальнай бібліятэкі Беларусі Вадзім Гігін узяў удзел у мерапрыемстве, прысвечаным XXV выпуску Мінскай духоўнай акадэміі.
1 ліпеня ў Мінскай духоўнай акадэміі прайшлі ўрачыстасці, прысвечаныя заканчэнню навучальнага года і XXV выпуску духоўнай школы. Мерапрыемства ўзначаліў мітрапаліт Мінскі і Заслаўскі Веніямін, Патрыяршы Экзарх усяе Беларусі.
Перад пачаткам Вадзім Гігін правёў сустрэчу з загадчыкам бібліятэкі Мінскай духоўнай акадэміі Ільёй Перчанкам. Калегі абмеркавалі новыя сумесныя праекты, якія плануецца рэалізаваць у бягучым годзе.
Падчас урачыстага акта В. Гігін уручыў Мінскай духоўнай акадэміі сертыфікат на 300 выданняў, перададзеных у дар у рамках дабрачыннай акцыі НББ “Падары кнігу – падары свет”.
Мітрапаліту Мінскаму і Заслаўскаму Веніяміну, Патрыяршаму Экзарху ўсяе Беларусі і рэктару Мінскай духоўнай акадэміі архімандрыту Афанасію Сакалову было ўручана юбілейнае выданне, прысвечанае 100-гадоваму юбілею Нацыянальнай бібліятэкі.
Матэрыял пададзены аддзелам камплектавання фондаў.
Фота з сайта Мінскай духоўнай акадэміі.
