30 сакавіка ў рамках сустрэчы рэктараў акадэмій і інстытутаў дзяржаўнага кіравання і дзяржаўнай службы краін ЕўрАзЭС Нацыянальную бібліятэку Беларусі наведалі кіраўнікі профільных рэгіянальных ВНУ.
У склад дэлегацыі ўвайшлі рэктары ВНУ, якія ажыццяўляюць падрыхтоўку, перападрыхтоўку і павышэнне кваліфікацыі кіраўніцкіх кадраў, з Расіі, Украіны, Казахстана, Кыргызстана, Таджыкістана, Арменіі, Азербайджана, Узбекістана, Малдовы.
У Нацыянальнай бібліятэцы Беларусі дэлегацыю вітаў дырэктар Раман Матульскі. Для гасцей была арганізавана аглядная экскурсія, у ходзе якой яны азнаёміліся з работай бібліятэкі, архітэктурна-канструкцыйнымі асаблівасцямі яе будынка, тэхнічным абсталяваннем, інфармацыйнымі рэсурсамі, мастацкім афармленнем інтэр’ераў.
У музеі кнігі ўвазе дэлегатаў была прадстаўлена калекцыя рарытэтных выданняў з бібліятэчных фондаў. Члены дэлегацыі пакінулі калектыўны памятны запіс у Кнізе ганаровых гасцей. Дырэктар Нацыянальнай бібліятэкі Беларусі Раман Матульскі ўручыў гасцям памятныя падарункі.
 |
 |
 |
