25 красавіка 2009 года Нацыянальную бібліятэку Беларусі наведалі міністр культуры Чачэнскай Рэспублікі Дзікалу Абузедавіч Музакаеў і міністр культуры Рэспублікі Беларусь Уладзімір Фёдаравіч Мацвяйчук.
У будынку Нацыянальнай бібліятэкі ганаровых гасцей вітаў дырэктар Раман Сцяпанавіч Матульскі. Члены дэлегацыі пазнаёміліся з дзейнасцю ўстановы як інфармацыйнага і сацыякультурнага цэнтра краіны, сістэмай работы з чытачамі, структурай чытальных залаў, архітэктурай новага будынка бібліятэкі, афармленнем яго інтэр’ераў, унікальнай калекцыяй рарытэтных выданняў. У музеі кнігі спадар Музакаеў пакінуў памятны запіс у кнізе ганаровых гасцей, адзначыўшы, што калектыў Нацыянальнай бібліятэкі можа ганарыцца сваім унікальным будынкам, і пажадаўшы супрацоўнікам плённай працы і шчасця.