Дырэктар Нацыянальнай бібліятэкі Беларусі Раман Матульскі сустрэўся з кіраўніцтвам Нацыянальнай бібліятэкі Іспаніі па пытаннях узаемавыгадных культурных сувязей, у прыватнасці супрацоўніцтва ў міжбібліятэчнай сферы.
Нацыянальнай бібліятэцы Іспаніі была перададзена калекцыя кніг лепшых беларускіх выданняў у рамках міжнароднага праекта “Беларусь сёння”.
З 21 па 24 красавіка дырэктар Нацыянальнай бібліятэкі Беларусі прымае ўдзел у штогадовых мерапрыемствах праграмы “Мадрыд – сусветная сталіца кнігі”, падчас якіх праходзяць міжнародныя чытанні “Дон Кіхота” Мігеля дэ Сервантэса Сааведры.