11 снежня ў бібліятэцы прайшоў семінар-прэзентацыя “Інфармацыйнае забеспячэнне навуковай і адукацыйнай дзейнасці: выкарыстанне рэсурсаў IPR MEDIA і EBSCO”.
Мерапрыемства арганізавалі Нацыянальная бібліятэка Беларусі, кампанія EBSCO Information Services і група кампаній IPR MEDIA.
IT-тэхналогіі для бібліятэк IPR MEDIA прадставілі генеральны дырэктар групы кампаній IPR MEDIA Наталля Іванова і фінансавы дырэктар Сяргей Іваноў. Удзельнікі пазнаёміліся з паўнатэкставай базай навучальных і навуковых выданняў на платформе IPR books і дадатковымі магчымасцямі працы з платформай: размяшчэннем на ёй тэкстаў даследчых работ і іх праверкай на наяўнасць запазычанняў.
Таксама была прэзентаваная новая тэхналогія інклюзіўнай адукацыі – праграмнае забеспячэнне для выкарыстання электроннай бібліятэкі невідушчымі і чытачамі са слабым зрокам.
У другой частцы семінара дырэктар па рэгіянальным развіцці EBSCO ў Расіі, Беларусі і Малдове Андрэй Сакалоў прадставіў удзельнікам агляд апошніх тэндэнцый развіцця кніжнага рынку і магчымасці працы з кніжнымі калекцыямі на платформе EBSCOhost. Асаблівая ўвага была ўдзелена пытанням прадстаўлення і пошуку на платформе беларускай кніжнай экстэрыёрыкі.
Прэзентацыя Сяргея Іванова. частка 1
Прэзентацыя Сяргея Іванова. частка 2
Прэзентацыя Андрэя Сакалова
Матэрыял прадастаўлены аддзелам карпаратыўнага ўзаемадзеяння.