28 чэрвеня ў бібліятэцы пройдзе прэзентацыя кнігі для дзяцей “В гостях у Франциска Скорины”.
Кніга пабачыла свет у выдавецкім доме “Звязда” і стала першай часткай серыі “Книга Волшебства”. Працаваў над выданнем цэлы творчы калектыў: пісьменніца Алена Стэльмах пры стварэнні сюжэта заручылася дапамогай сваіх дачок і ўнучак. Адсюль і незвычайны псеўданім Ева НЭММ – па першай літары з імя кожнага аўтара.
Незвычайная казка для дзяцей у вясёлай, захапляльнай форме распавядае пра гісторыю Беларусі. Героі кнігі падарожнічаюць у часе і ў пэўны момант аказваюцца ў друкарні Францыска Скарыны. Разам з першадрукаром яны спасцігаюць каштоўнасць кнігі як нязгаснай крыніцы дабра і святла на зямлі.
Як з’явілася першая друкаваная кніга, хто такі Францыск Скарына і чаму самы новы смартфон ніколі не заменіць добрую кнігу? Пра гэта і не толькі раскажа дзецям Ева НЭММ падчас творчай сустрэчы. Да таго ж аўтары падрыхтавалі для гасцей шэраг сюрпрызаў. Якіх? Прыходзьце і даведайцеся самі!
Сустрэча пачнецца а 16-й гадзіне ў галерэі "Лабірынт" (3-ці паверх).
Тэлефоны для даведак: (8 017) 266 37 37, 293 29 80, 293 28 81.
Е-mail: pr@nlb.by