ГалоўнаяНавіныНавіны бібліятэк
У выдавецтве “Кнігазбор” выйшла новая кніга для дзяцей Валера Гапеева
“Арт-Мінск 2021” у Нацыянальнай бібліятэцы

Беларускія легенды ў кітайскім прачытанні

Беларускія легенды ў кітайскім прачытанні
Іншыя навіны

Выдавецкі дом “Беларуская навука” накладам у 500 асобнікаў выпусціў кнігу “У пошуках папараць-кветкі”, дзе пад адной вокладкай сабраны легенды і паданні беларускага народа.

Аўтары ідэі, укладальнікі гэтага ўнікальнага творчага праекта: А.І. Лакотка, Т.І. Кухаронак, А.Г. Алфёрава – слынныя беларускія фалькларысты, этнографы, даследчыкі беларускай народнай культуры.

У легендах адлюстраваны міфапаэтычныя погляды на стварэнне свету, узнікненне геаграфічных назваў і прыродных аб’ектаў. Тэксты, якія падаюцца па-беларуску і ў перакладзе на кітайскую і англійскую мовы, раскладзены на наступныя раздзелы:

  • Пра паходжанне Сусвету, Зямлі, Чалавека
  • Пра паходжанне плямён, народаў, класаў і розных сацыяльных з’яў
  • Пра Бога, святых, народныя святы і вераванні, страхі
  • Паданні пра гістарычныя падзеі і гістарычных асоб
  • Паданні пра паходжанне назваў гарадоў і мястэчак, урочышчаў, рэк і азёр
  • Пра заклятыя скарбы

Усяго ў зборніку змешчана каля 70 легенд і паданняў, з якіх можна даведацца пра рысы характара беларусаў, пра паходжанне тых ці іншых назваў паселішчаў, рэк і азёр, пра фантастычных звяроў. Па тэкстах можна смела брацца за вывучэнне беларускай народнай культуры.

Paparac-1.jpg

Легенды і паданні як адна з разнавіднасцей няказкавага фальклору складаюць важнейшую частку беларускага народнага эпасу. У беларускіх легендах знайшлі адлюстраванне рэлігійныя ідэалогія грамадства, наіўны і прымітыўны светапогляд нашых далёкіх продкаў, іх уяўленні аб прыродзе, чалавеку, яго працоўнай дзейнасці, духоўных падмурках жыццядзейнасці грамадства. Разам з тым у іх увасоблены шматлікія маральна-этычныя нормы, большасць з якіх арыентавана на агульначалавечыя каштоўнасці (гаворыцца ва “Уводзінах”).

Перакладчыкамі на кітайскую мову выступілі дасведчаныя лінгвісты А. Раманоўская, Ван Цінфэн. Пераклад на англійскую мову належыць Н. Сянкевіч.

Paparac-2.jpg

Уражвае паліграфічнае выкананне выдання. Кніга аддрукавана на мелаванай паперы ў ААТ “Транстэкс”. Да кожнага з твораў, змешчаных у сапраўднай анталогіі паданняў, пададзены выразныя ілюстрацыі – акварэлі, працы, дзе спалучаны розныя тэхнікі – акварэль, туш, аловак, лічбавая графіка. Мастакамі выдання з’яўляюцца Анастасія Стальмашонак, Ігар Сідарэнка, Глеб Сідарэнка, Дар’я Петрусевіч-Кавальчук, Наталля Мураўёва, Юлія Мацура, Аліна Кісляк, Хрысціна Іванцова, Валерыя Гормаш-Дрэбезава, Кірыл Гормаш, Міхаіл Басалыга.

Зборнік “У пошуках папараць-кветкі” – выдатны ўнёсак у фарміраванне беларуска-кітайскага кнігазбору апошніх дзесяцігоддзяў. Варта нагадаць, што шмат для яго пашырэння зроблена рознымі выдавецтвамі нашай краіны – і “Мастацкай літаратурай”, і Выдавецкім домам “Звязда”, і “Адукацыяй і выхаваннем”, і некаторымі іншымі айчыннымі рупліўцамі-кніжнікамі на ніве беларуска-кітайскай дружбы.

Paparac-3.jpg

Аўтар публікацыі: Раман Сэрвач.
Крыніца: Звязда

Навіны

Завяршыўся VIII Міжнародны кангрэс “Бібліятэка як феномен культуры”

22 Кас 2021

На працягу двух дзён у Нацыянальнай бібліятэцы Беларусі праходзілі пасяджэнні, круглыя сталы, майстар-класы VIII Міжнароднага кангрэса “Бібліятэка як феномен культуры”. Удзельнікі абмяркоўвалі надзённыя праблемы бібліятэчнай сферы, звязаныя з вызначэннем місіі бібліятэк, іх ролі і месцы ў сучасным грамадстве ва ўмовах пандэміі.

Навіны Нацыянальнай бібліятэкі Беларусі

Выдадзена “Інструкцыя па ўліку i захаванасці фондаў Нацыянальнай бібліятэкі Беларусі”

22 Кас 2021

Выйшла з друку “Інструкцыя па ўліку i захаванасці фондаў Нацыянальнай бібліятэкі Беларусі”, якая ўстанаўлівае адзіныя правілы ўліку i захаванасці дакументаў, што складаюць фонды і калекцыі бібліятэкі.

Навіны Нацыянальнай бібліятэкі Беларусі

Канферэнцыя ў Маскве “Кніжныя помнікі ў аспекце захаванасці” (+відэа)

22 Кас 2021

19–21 кастрычніка ва Усерасійскай дзяржаўнай бібліятэцы замежнай літаратуры імя М.І. Рудаміно прайшла 5-я штогадовая Міждысцыплінарная навукова-практычная канферэнцыя “Кніжныя помнікі ў аспекце захаванасці”.

Навіны Нацыянальнай бібліятэкі Беларусі

Бібліятэка як феномен культуры: завяршыўся першы дзень працы VIII Міжнароднага кангрэса

21 Кас 2021

У Нацыянальнай бібліятэцы Беларусі абмеркавалі актуальныя пытанні бібліятэчнай сферы ў кантэксце новых выклікаў часу і новых магчымасцей і рашэнняў.

Навіны Нацыянальнай бібліятэкі Беларусі

Пасяджэнне Савета бібліятэк Беларусі па інфармацыйным узаемадзеянні

21 Кас 2021

21 кастрычніка ў рамках VIII Міжнароднага кангрэса “Бібліятэка як феномен культуры” адбылося пасяджэнне Савета бібліятэк Беларусі па інфармацыйным узаемадзеянні.

Навіны Нацыянальнай бібліятэкі Беларусі

22 Кас 2021

У сённяшнім успрыманні творчай спадчыны Язэпа Драздовіча (1888–1954) на першым плане стаіць выяўленчае мастацтва, узоры якога прадстаўлены ў беларускіх музеях, сабраны пад вокладкамі альбомаў. Літаратурная практыка ў значна меншай ступені рэпрэзентавана і асэнсавана, хоць менавіта яна можа паслужыць ключом да расшыфроўкі кодаў незвычайных, касмічных тэм і сюжэтаў аўтара «Нябесных бегаў» (1931).

Навіны бібліятэк

Бібліятэка як феномен культуры: адкрыўся штогадовы міжнародны кангрэс (+відэа)

21 Кас 2021

21 кастрычніка ў Нацыянальнай бібліятэцы Беларусі пачаў працу VIII Міжнародны кангрэс “Бібліятэка як феномен культуры”. Тэма гэтага года: “Бібліятэкі ва ўмовах пандэміі: новыя магчымасці, новыя рашэнні”.

Навіны Нацыянальнай бібліятэкі Беларусі

Бібліятэкарам