2 жніўня гарадзенцы і госці горада весела бавілі час на кніжным пікніку, арганізаваным Гродзенскай абласной навуковай бібліятэкай імя Я.Ф. Карскага.
Добрае надвор’е, цудоўны настрой, яблыневы сад і пазітыўныя супрацоўнікі бібліятэкі – усё спрыяла, каб пікнік у нядзелю прайшоў дынамічна і з карысцю.
Тут можна было пабываць на «парадзе энцыклапедый», пасядзець на “гумарыстычнай канапе”, пакаштаваць “фрэш з часопісаў”, паблукаць па “гарадзенскай палянцы”, на выстаўцы фотаздымкаў паназіраць за «жыццёвымі імгненнямі» гарадзенцаў XIX ст. і, нарэшце, выпусціць кнігу ў свет, далучыўшыся да буккросінгу.
Музыкі гралі, дзяўчаты спявалі, а ўсе жадаючыя танцавалі старадаўнія гарадзенскія танцы (майстар-клас правялі прадстаўнікі Суполкі традыцыйнай культуры на чале з Антонам Янкоўскім).
Наступны пікнік у яблыневым садзе адбудзецца 16 жніўня ў 16.00.
Крыніца: Гродзенская абласная навуковая бібліятэка імя Я.Ф. Карскага
Чытайце таксама: