Мінская абласная бібліятэка імя А.С. Пушкіна сумесна з тэрытарыяльным цэнтрам сацыяльнага абслугоўвання Савецкага раёна г. Мінска прадстаўляе выставачны праект Міністэрства культуры Рэспублікі Беларусь і Рэспубліканскага цэнтра нацыянальных культур “Дакрануцца душой да спадчыны”.
Дадзены праект, прымеркаваны да 20-гадовага юбілею Канвенцыі аб ахове нематэрыяльнай культурнай спадчыны, прысвечаны найважнейшым тэмам Года міру і стварэння – захаванню нематэрыяльнага здабытку Беларусі і культурных традыцый беларускага народа.
З 1954 года Рэспубліка Беларусь стала членам ЮНЕСКА, дзякуючы чаму многія культурныя з’явы нашай краіны ўваходзяць у склад Сусветнай нематэрыяльнай культурнай спадчыны гэтай арганізацыі.
Дзякуючы “roll-up” стэндам з маляўнічымі ілюстрацыямі і цікавымі фактамі аб духоўных здабытках беларусаў, наведвальнікі выставы “Дакрануцца душой да спадчыны” могуць пазнаёміцца з народнымі традыцыямі і звычаямі, самабытнымі рытуаламі і абрадамі, якія сустракаюцца толькі на тэрыторыі Беларусі. Сярод іх – зімовы абрад-карнавал “Калядныя цары”, які праводзіцца ў вёсцы Семежава (Капыльскі раён, Мінская вобласць); беларускі вясновы абрад “Юраўскі карагод” родам з Палесся штогод збірае гасцей з усёй краіны і замежжа; унікальнае рэлігійнае свята “Будслаўскі фэст” і, зразумела, знакамітае на ўвесь свет саломапляценне, якое стала адной з “візітных картак” Беларусі.
Урачыстае адкрыццё выставы адбылося 8 жніўня ў выставачнай зале Мінскай абласной бібліятэкі па адрасе: вул. Гікала, 4.
Па матэрыялах сайта Мінскай абласной бібліятэкі імя А.С. Пушкіна.
Да канца 2023 года выставачны праект “Дакрануцца душой да спадчыны” змогуць убачыць госці і жыхары ўсіх рэгіёнаў краіны, а таксама наведвальнікі Рэспубліканскага цэнтра нацыянальных культур і Нацыянальнай бібліятэкі Беларусі.
