ГалоўнаяНавіныПартрэты: гісторыя бібліятэкі ў асобах
Якога чалавека вырасцілі дзіцячыя фільмы?
Калядная зорка

5 снежня спаўняецца 80 гадоў ветэрану Нацыянальнай бібліятэкі Беларусі, высокакваліфікаванаму спецыялісту ў галіне бібліятэчнай справы Марыі Уладзіміраўне Сокал

5 снежня спаўняецца 80 гадоў ветэрану Нацыянальнай бібліятэкі Беларусі, высокакваліфікаванаму спецыялісту ў галіне бібліятэчнай справы Марыі Уладзіміраўне Сокал
Іншыя навіны

Нарадзілася Марыя Уладзіміраўна ў в. Падлессе Ляхавіцкага раёна Брэсцкай вобласці. Скончыўшы ў 1957 годзе сярэднюю школу, яна паступіла ў Мінскі дзяржаўны педагагічны інстытут імя М. Горкага (цяпер – Беларускі дзяржаўны педагагічны ўніверсітэт імя М. Танка).

Sokal-2.jpg

Адразу пасля заканчэння інстытута першым месцам працы юнай Марыі стала Высокаўская гарадская бібліятэка ў Камянецкім раёне Брэсцкай вобласці. Цудоўныя прафесійныя веды і адказны падыход да справы дазволілі ёй неўзабаве ўзначаліць гэтую бібліятэку.

У 1963 годзе Марыя Уладзіміраўна пераехала на пастаяннае месца жыхарства ў г. Мінск. Да таго, як лёс прывёў М.У. Сокал у Дзяржаўную бібліятэку БССР імя У.І. Леніна (цяпер – Нацыянальная бібліятэка Беларусі), яна працавала загадчыцай абанементам публічнай бібліятэкі № 12, бібліёграфам у Рэспубліканскай навукова-педагагічнай бібліятэцы, старшым бібліёграфам у Мінскай цэнтральнай гарадской бібліятэцы імя Я. Купалы.

З красавіка 1976 года Марыя Уладзіміраўна была прынята ў Дзяржаўную бібліятэку БССР імя У.І. Леніна на пасаду старшага рэдактара навукова-метадычнага аддзела.

Ужо з самага пачатку працы М.У. Сокал праявіла сябе як спецыяліст, які выдатна ведае ўсе тонкасці бібліятэчнай справы.

Тэма кіравання чытаннем розных груп чытачоў была вельмі актуальная ў 1970–1980-я гг. Вялікі практычны вопыт і выдатныя тэарэтычныя веды дазволілі Марыі Уладзіміраўне стаць адным з лідараў гэтага кірунку метадычнай дзейнасці. “Библиотека и пятилетка”, “К 150-летию со дня рождения Л.Н. Толстого”, “Прапаганда беларускай літаратуры ў масавых бібліятэках рэспублікі” – далёка не поўны пералік выданняў, аўтарам-складальнікам якіх з’яўлялася М.У. Сокал. Яны адрозніваліся сваёй арыгінальнасцю, высока ацэньваліся калегамі: “Яе дапаможнікі вельмі цікавыя, не па шаблоне напісаныя...”.

Заслугі і поспехі Марыі Уладзіміраўны даволі ёміста адлюстраваны ў характарыстыцы, складзенай загадчыцай навукова-даследчага аддзела А.Г. Меламед у 1978 годзе: “Тав. Сокал М.У. валодае добрым стылем і ўмее цікава падаць матэрыял... карыстаецца вялікім аўтарытэтам сярод гарадскіх бібліятэкараў, да яе вельмі часта звяртаюцца за рознымі кансультацыямі работнікі бібліятэк г. Мінска. Яе сур’ёзны падыход да даручанай справы, пачуццё адказнасці набылі ёй павагу сярод работнікаў аддзела…”.

Прафесіяналізм Марыі Уладзіміраўны не застаўся без увагі кіраўніцтва і са студзеня 1979 года яна была пераведзена на пасаду галоўнага бібліятэкара, з кастрычніка 1979 па сакавік 1981 года ўзначальвала сектар па камплектаванні фондаў і кіраўніцтву чытаннем навукова-метадычнага аддзела.

Sokal-3.jpg

Марыя Уладзіміраўна карысталася заслужаным аўтарытэтам і павагай сярод калег. У 1980 годзе дырэкцыя, партыйнае бюро і мясцовы камітэт прафсаюза бібліятэкі рэкамендавалі яе для паездкі ў Югаславію ў складзе турыстычнай групы Міністэрства культуры БССР.

У 1980–1990-я гады М.У. Сокал курыравала пытанні арганізацыі і развіцця сеткі масавых бібліятэк і таму сістэматычна выступала з дакладамі і кансультацыямі на рэспубліканскіх, абласных і гарадскіх семінарах бібліятэчных работнікаў, па заданні Міністэрства культуры БССР выязджала ў камандзіроўкі для аказання метадычнай дапамогі бібліятэкарам.

Багаты практычны вопыт, цудоўнае веданне тэарэтычных пытанняў бібліятэказнаўства, прафесійны падыход да вырашэння актуальных праблем бібліятэчнага абслугоўвання насельніцтва – усе гэтыя якасці дазвалялі Марыі Уладзіміраўне выдатна спраўляцца з няпростай і адказнай працай па падрыхтоўцы метадычных дапаможнікаў, аналітычных выданняў, у якіх яна абагульняла інавацыйныя напрацоўкі і давала практычныя рэкамендацыі па іх укараненні.

“Пути привлечения населения в массовые библиотеки республики”, “Бібліятэка ў структуры вольнага часу насельніцтва”, “Сацыяльна-псіхалагічныя аспекты бібліятэчнай работы” – гэтыя і іншыя выданні М.У. Сокал атрымалі вялікі водгук у бібліятэкараў краіны.

Аўтарству Марыі Уладзіміраўны належаць і разнастайныя аналітычныя матэрыялы аб дзейнасці публічных бібліятэк рэспублікі: “Городские библиотеки Белоруссии: анализ состояния работы и методические рекомендации”, “Государственные массовые библиотеки БССР: анализ работы централизованных библиотечных систем и методические рекомендации” і інш.

Прафесійныя дасягненні М.У. Сокал адзначаны Ганаровай граматай Міністэрства культуры СССР і ЦК прафсаюза работнікаў культуры, знакам “Пераможца сацыялістычнага спаборніцтва за 1975 год”, значком “Актыўны прапагандыст кнігі”.

Марыя Уладзіміраўна працавала ў Нацыянальнай бібліятэцы да 2005 года.

Калектыў Нацыянальнай бібліятэкі Беларусі ад усёй душы віншуе Марыю Уладзіміраўну з юбілеем і жадае ёй моцнага здароўя, дабрабыту, невычэрпнай энергіі, пазітыўных эмоцый і яркіх уражанняў!

Матэрыял падрыхтаваны навукова-даследчым аддзелам бібліятэказнаўства.

Аб ветэранах і супрацоўніках Нацыянальнай бібліятэкі Беларусі чытайце ў рубрыцы навін “Партрэты: Гісторыя бібліятэкі ў асобах”.

Навіны

BelBookChallenge падаўжаецца да 6 сакавіка

18 Сту 2021

BelBookChallenge набірае абароты, а вы ніяк не можаце за ім угнацца?
Па шматлікіх просьбах удзельнікаў BelBookChallenge падаўжаецца яшчэ на месяц – да 6 сакавіка ўключна. Выдатны шанец нагнаць упушчанае або нават пачаць чэлендж! Чым не выклік самому сабе?

Блог прафесійнага чытача

Віртуальная прэзентацыя літаратурнай спадчыны Андрэя Александровіча

18 Сту 2021

22 студзеня ў межах праекта “На хвалі часу, у плыні жыцця” ў бібліятэцы адбудзецца мерапрыемства “Віртуальная прэзентацыя літаратурнай спадчыны Андрэя Александровіча” (1906–1963), прымеркаванае да 115-годдзя беларускага паэта, аднаго з заснавальнікаў літаратурнага аб’яднання “Маладняк”.

Да 100-годдзя літаб'яднання "Маладняк"

Вялікі талент, вялікая работа, вялікае сэрца

18 Сту 2021

З 18 студзеня па 29 красавіка ў кальцавым калідоры 2-га паверха арганізавана кніжна-ілюстрацыйная выстаўка, прысвечаная лаўрэатам прэміі “За духоўнае адраджэнне”, спецыяльнай прэміі Прэзідэнта Рэспублікі Беларусь дзеячам культуры і мастацтва, а таксама спецыяльнай прэміі Прэзідэнта Рэспублікі Беларусь “Беларускі спартыўны Алімп” за 2020 год.

Кніжныя выстаўкі

Выстава “З кніг Уладзіміра Караткевіча” працуе да канца студзеня

19 Сту 2021

Скарыстайцеся магчымасцю і наведайце незвычайную выставу, прысвечаную 90-годдзю з дня нараджэння Уладзіміра Караткевіча, якая дзейнічае ў музеі кнігі Нацыянальнай бібліятэкі Беларусі.

Навіны Нацыянальнай бібліятэкі Беларусі

#BelBookChallenge: кніга, дзе фігурыруе выбітная гістарычная постаць

16 Сту 2021

Часам вы берацеся за нейкую тэму, а ў ёй столькі цікавага, што вам даводзіцца ламаць галаву ў нерашучасці – якую з іх выбраць? І гэтая тэма не выключэнне. Вочы разбягаюцца ад колькасці кніг з гістарычнымі асобамі? Хочацца, каб яна была і пазнавальнай, і нестандартнай, але каб сярод герояў – людзі, знаёмыя кожнаму беларусу хоць бы па падручніках гісторыі? Не панікуйце! Прадстаўляем вам спіс з пяці выдатных кніг, якія ідэальна падыходзяць па тэме. Ад вядомай класікі да коміксаў па Караткевічу – ніхто не застанецца абыякавым!

Блог прафесійнага чытача

Завітайце на літаратурна-музычнае мерапрыемства “Мой Багдановіч”

16 Сту 2021

21 студзеня ў 19.00 абавязкова завітайце на літаратурна-музычнае мерапрыемства “Мой Багдановіч”, падрыхтаванае Дзяржаўным музеем гісторыі беларускай літаратуры сумесна з Літаратурным тэатрам “Слова” пад кіраўніцтвам Зінаіды Феакціставай-Каладзяжнай.

Навіны бібліятэк

Бібліятэкарам
111