З 17 верасня да ўвагі карыстальнікаў прадстаўлена пастаянная віртуальная выстаўка “Першае слова ў кожным лёсе”, прысвечаная Дню маці (14 кастрычніка).
У душы і ў сэрцы кожнага чалавека, у залежнасці ад яго ўзросту і жыццёвага вопыту, заўсёды існуюць нейкія святыні, самыя запаветныя і шаноўныя вобразы і ісціны, якія напоўнены найважнейшым сэнсам і з’яўляюцца арыенцірам. Мабыць, першай такой святыняй, якую адкрывае для сябе кожны з нас, з’яўляецца вобраз МАЦІ.
“Мама” – гэтае першае слова, якое вымаўляе чалавек. У гэта слова мы, часам несвядома, укладаем бязмежную любоў і бясконцую ўдзячнасць за дадзенае нам жыццё, безупынны клопат, бяссонныя ночы, цеплыню, пяшчоту і падтрымку, якую заўсёды знаходзім у маці.
Дакументы віртуальнай экспазіцыі “Першае слова ў кожным лёсе”, прадстаўленыя ў раздзелах “З гісторыі свята”, “Вобраз маці ў жывапісе”, “Вобраз маці ў паэзіі”, “Сцэнарыі святкавання Дня маці”, “Маладой маме”, будуць цікавыя шырокаму колу чытачоў.
Выстаўка мае простую навігацыю з гіперспасылкамі, якія перамяшчаюць карыстальніка ў раздзел, што яго цікавіць (кнопкі “Раздзелы”, “Далей”, “Назад”). Для атрымання больш падрабязнай інфармацыі пра канкрэтнае выданне клікніце на яго фота.
Заказаць неабходныя для работы выданні можна ў бібліятэцы і з дапамогай электроннага каталога на інтэрнэт-партале.
Віртуальная выстаўка падрыхтавана сектарам абслугоўвання дакументамі па выяўленчым і відовішчных мастацтвах аддзела абслугоўвання спецыялізаванымі фондамі.
Тэлефон для даведак: (8 017) 293 27 53.
Чытайце таксама пра другія віртуальныя выстаўкі бібліятэкі:
