Абслугоўванне невідушчых і слабавідушчых карыстальнікаў

Нацыянальная бібліятэка Беларусі ажыццяўляе бібліятэчна-інфармацыйнае абслугоўванне невідушчых і асоб з глыбокімі парушэннямі зроку шляхам кансультавання, прадстаўлення даведачна-бібліяграфічных паслуг і забеспячэння доступу да інфармацыйных рэсурсаў.

У навуковай чытальнай зале карыстальнікам – інвалідам па зроку:

• аказваюць дапамогу ў падборы дакументаў па тэме, афармленні спісу літаратуры, пошуку інфармацыі аб падзеях, фактах, асобах;
• выдаюць дакументы, надрукаваныя шрыфтам Брайля;
• прадстаўляюць аўтаматызаваныя працоўныя месцы, абсталяванне якіх дазваляе працаваць з інфармацыяй самастойна: слухаць сеткавыя аўдыядакументы, праецыраваць старонкі плоскадрукаваных выданняў на экран камп’ютара ва ўзбуйненым фармаце, павялічваць і агучваць электронную тэкставую інфармацыю.

Па запытах невідушчых і слабавідушчых карыстальнікаў:

• друкаваныя дакументы пераўтвараюцца ў даступныя электронныя фарматы: графічны (pdf), тэкставы (word, txt), гукавы (mp3).
• пераўтвораныя экзэмпляры і лічбавыя копіі фрагментаў дакументаў бібліятэкі высылаюцца на электронную пошту.

Паслугі для карыстальнікаў з праблемамі зроку выконваюцца бясплатна пры прад’яўленні пасведчання інваліда па зроку або дакумента, які пацвярджае інваліднасць па зроку.

Прадставіць копію пасведчання, аформіць заказы на паслугі, пракансультавацца можна:

• у навуковай чытальнай зале
• па электроннай пошце tiflo@nlb.by
• па тэлефоне (8 017) 293 27 23

Абслугоўванне бенефіцыяраў ажыццяўляецца на падставе Парадку абслугоўвання невідушчых і слабавідушчых карыстальнікаў.

Спіс пераўтвораных экзэмпляраў з тэкставым слоем
Спіс пераўтвораных экзэмпляраў у аўдыяфармаце