ГалоўнаяМерапрыемствыЧас пайшоў! Набліжаецца Бібліяноч у Нацыянальнай бібліятэцы!
“Закрытая гульня” ў адкрытым фармаце
Новы погляд на гісторыю XX стагоддзя: прэзентацыя кнігі Наталлі Голубевай

Час пайшоў! Набліжаецца Бібліяноч у Нацыянальнай бібліятэцы!

Час пайшоў! Набліжаецца Бібліяноч у Нацыянальнай бібліятэцы!
Іншыя мерапрыемствы
20.04.2018
Дата правядзення
19.00–23.00
Час правядзення

20 красавіка з 19 да 23 гадзін Нацыянальная бібліятэка Беларусі запрашае жыхароў і гасцей сталіцы на БІБЛІЯНОЧ-2018!

Даўно марыце здзейсніць падарожжа ў часе?.. Мары здзяйсняюцца разам з NLB!

У рамках мінскай Бібліяночы Нацыянальная бібліятэка Беларусі стане для вас правадніком у часе. Мы не проста зменім рабочы расклад – мы разбурым усе часавыя рамкі і правядзём паралелі паміж рознымі эпохамі і пакаленнямі.

Часавы партал адкрыецца ў 19.00 у цэнтральным холе бібліятэкі, а далей рухайцеся па закліку сэрца. Можна адправіцца на экскурсійны трэвэл-фэст “Па прасторах”, адпачыць у зоне “Вінілавы рэлакс”, стаць зоркай на танцавальных майстар-класах або заняцца самапазнаннем на псіхалагічных трэнінгах.

Для тых, хто збіраецца прыйсці шумнай кампаніяй, – “настолкі” ад Hobby World, для аматараў інтэлектуальных гульняў – шахматы і шашкі. Знаўцаў літаратуры чакае папулярны мінскі паб-квіз LitERA Quiz і, канешне, будзе вельмі шмат музыкі розных эпох – лепшыя сусветныя хіты, музыка ў стылях фанк, рэгі, соўл, бітбокс і рамантык.

Тых жа, хто да гэтага часу настальгуе па савецкім мінулым і са слязамі на вачах успамінае Алімпіяду-80, запрашаем адправіцца “Назад у СССР” – на выстаўку “Зроблена ў СССР”, піянерскую пляцоўку “Будзь гатовы! Заўсёды гатовы!” і ў куток савецкай моды “Атэлье стылю”.

І, вядома, у праграме прадугледжаны “неДзіцячы час”. З 19.20 да 21.00 для маленькіх гасцей Бібліяночы пройдуць творчыя майстар-класы, тэатральныя пастаноўкі, займальныя вопыты, шоу мыльных бурбалак, караоке і яшчэ шмат усяго вясёлага і пазнавальнага!

Такім чынам, Бібліяноч “NLB. Паралелі часу” стартуе ў пятніцу, 20 красавіка, а 19-й гадзіне! Не спазніцеся!

Адчуйце сябе па-за часам разам з Нацыянальнай бібліятэкай Беларусі!

Праграма Бібліяночы-2018

Тэлефон для даведак: (8 017) 266 37 37.
Е-mail: pr@nlb.by

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Будучыня за моладдзю!

07.08.2020

З 7 жніўня па 14 верасня ў аддзеле абслугоўвання афіцыйнымі дакументамі (пам. 207) адкрыта тэматычная выстаўка “Будучыня за моладдзю!”, прысвечаная Міжнароднаму дню моладзі.

Самы час ствараць гербарый!

05.08.2020

Запрашаем да цікавага творчага даследавання. Застаўся адзін месяц лета, і вакол нас вялікая колькасць разнастайных раслін. Прапануем збіраць кветкі і травы, ствараць уласны гербарый і параўноўваць з выявамі ў старадруках. Ці так выглядалі расліны 500 гадоў таму? Размяшчайце цяперашнія кветкі побач з гравюрай з мінулага і параўноўвайце!

Пра сучасную Беларусь распавядае новая выстава бібліятэкі

05.08.2020

У Нацыянальнай бібліятэцы Беларусі, найбуйнейшым інфармацыйным цэнтры рэспублікі, сабрана максімальная колькасць аб’ектыўнай інфармацыі пра нашу краіну. Новая тэматычная выстава “Беларусь сёння” адкрылася ў зале перыядычных выданняў (пам. 106, 1-ы паверх).

Многа-многа зрабіць

04.08.2020

У зале беларускай літаратуры (пам. 205) з 4 жніўня па 1 кастрычніка праходзіць выстаўка “Многа-многа зрабіць”, прымеркаваная да 70-годдзя Анатоля Леанідавіча Вераб'я – беларускага крытыка і літаратуразнаўца, кандыдата філалагічных навук, педагога, рэдактара, члена Саюза пісьменнікаў Беларусі, лаўрэата Літаратурнай прэміі імя У. Калесніка.

Брытанская канстытуцыя як прававы феномен

03.08.2020

З 3 жніўня па 11 кастрычніка ў зале прававой інфармацыі (пам. 207b) адкрыта тэматычная выстаўка “Брытанская канстытуцыя як прававы феномен”, прысвечаная 805-годдзю падпісання Вялікай хартыі вольнасцей.

Наперадзе часу

24.07.2020

100-годдзю з дня нараджэння пісьменнікаў-фантастаў Айзека Азімава і Рэя Брэдберы прысвечана выстаўка “Наперадзе часу”, якая размешчана ў кальцавым калідоры 3-га паверха бібліятэкі.



111