ГалоўнаяМерапрыемствы“Я сэрцам бачу”: трэці этап выставачнага праекта да Года малой радзімы
Музыка больш, чым жыццё
Моладзь – наша надзея, наша будучыня

“Я сэрцам бачу”: трэці этап выставачнага праекта да Года малой радзімы

“Я сэрцам бачу”: трэці этап выставачнага праекта да Года малой радзімы
Іншыя мерапрыемствы
16 жніўня – 11 лістапада
Дата правядзення
10.00–21.00
Час правядзення
галерэя “Атрыум” (3-ці паверх)
Месца правядзення

16 жніўня бібліятэцы адбудзецца адкрыццё новай экспазіцыі фотапраекта тэлеканала “Беларусь 24” “Я сэрцам бачу”.

Трэці этап выставачнага праекта Нацыянальнай бібліятэкі “Малая радзіма – аповесць часоў” прадстаўлены фотаздымкамі васьмі беларускіх фатографаў, якія дзеляцца з наведвальнікамі сваім бачаннем і ўспрыманнем роднай краіны. Улад Сакалоўскі, Кацярына Міціна, Юлія Войніч, Андрэй Семянкоў, Максім Вейзе, Ілья Шырманаў, Сяргей Гапон праз свае здымкі дадуць магчымасць убачыць Беларусь, такую ж нечаканую, як і на мінулых этапах праекта, але з іншых ракурсаў: шчырыя дзіцячыя эмоцыі, гарады і прыгожыя беларускія прасторы з вышыні птушынага палёту, некранутая прырода і сучасныя будынкі.

У межах праекта падчас усіх этапаў у вітрынах галерэі “Атрыум” экспануецца найбуйнейшая калекцыя паштовак канца XIX – пачатку XX стагоддзя з відамі беларускіх гарадоў і мястэчак, а таксама кніг У.А. Ліхадзедава, якая не мае аналагаў у свеце.

У кальцавым калідоры 3-га паверха прадстаўлена інфармацыйна-дакументальная выстаўка з фондаў бібліятэкі “Тутэйшыя”. Больш за 300 тэматычных выданняў распавядаюць пра славутых асветнікаў, дыпламатаў, палкаводцаў, касманаўтаў, вынаходнікаў, дзеячаў культуры, спартсменаў, якія нарадзіліся ТУТ – у Беларусі, а таксама вылучыліся сваімі талентам і здольнасцямі за яе межамі. Выстаўка будзе працаваць да 11 лістапада 2018 года.

Дата завяршэння работы выстаўкі можа быць зменена.

Адкрыццё новай экспазіцыі ладзіцца а 15-й гадзіне ў галерэі “Атрыум” (3-ці паверх).


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра бібліятэкі.

Тэлефоны для даведак: (8 017) 266 37 37, 293 28 23.
Е-mail: pr@nlb.by

Чытайце таксама аб адкрыцці выстаўкі


Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

У песні я знайшоў сябе

08.07.2020

З 8 ліпеня па 3 лістапада ў зале нотных і аўдыявізуальных дакументаў (пам. 305) праходзіць юбілейная выстава “У песні я знайшоў сябе”, прысвечаная 80-годдзю кампазітара Давіда Фёдаравіча Тухманава.

Пясняр хараства і волі

06.07.2020

З 6 ліпеня па 1 верасня ў зале беларускай літаратуры (пам. 205) праходзіць выстаўка “Пясняр хараства і волі”, прысвечаная 120-годдзю з дня нараджэння беларускага паэта, празаіка, перакладчыка Уладзіміра Мікалаевіча Дубоўкі (1900 ці 1901–1976).

Насельніцтва Зямлі: прагнозы, тэндэнцыі, праблемы

01.07.2020

З 1 ліпеня па 5 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Насельніцтва Зямлі: прагнозы, тэндэнцыі, праблемы”, прысвечаная Сусветнаму дню народанасельніцтва.

Вайна і мір. Беларусь памятае. Вяртанне

25.06.2020

1 ліпеня ў бібліятэцы адбудзецца ўрачыстае адкрыццё выстаўкі “Вайна і мір. Беларусь памятае. Вяртанне”.Праект прымеркаваны да 75-годдзя Вялікай Перамогі.

Выстаўка графікі “Полымя ваенных дзён”

17.06.2020

23 чэрвеня ў бібліятэцы адбылося адкрыццё выстаўкі графікі “Полымя ваенных дзён”, прысвечанай 75-годдзю Перамогі ў Вялікай Айчыннай вайне і прымеркаванай да Дня Незалежнасці.



111