ГалоўнаяМерапрыемствыЖыць як у казцы: з надыходзячым 2019 годам!
Музей навукі “Элемента”: галоўнае – праявіць фантазію!
100 гадоў гісторыі з БелТА

Жыць як у казцы: з надыходзячым 2019 годам!

Жыць як у казцы: з надыходзячым 2019 годам!
Іншыя мерапрыемствы

28 снежня ў бібліятэцы прайшоў навагодні канцэрт для супрацоўнікаў “алмаза ведаў”.

Дружны калектыў чакала займальнае падарожжа ў свет казак. Добры чараўнік, дырэктар Нацыянальнай бібліятэкі Беларусі Раман Матульскі павіншаваў калег з надыходзячым Новым годам і даў старт канцэртнай праграме.

Гледачоў чакалі вытанчаныя нумары артысткі балета Нацыянальнага акадэмічнага Вялікага тэатра оперы і балета Іжэны Квашынай і выступленне гарэзлівага віртуоза-балалаечніка Аляксандра Варанішча.

Весела развітацца з сапраўдным сімвалам старога года – сабакам – удалося дзякуючы цыркавому нумару. Увагу і любоў залы ў імгненне вока заваявалі два пушыстыя артысты з "Luckyshow".

Разагрэць сэрца ў зімовую сцюжу прыехала Гюнеш. Спявачка выканала песню “Дачка Усходу” і старыя добрыя “Валёнкі”.

І як жа Новы год без чырванашчокага старога – гаспадара свята?! На “агеньчык” у бібліятэку зазірнуў галоўны Дзед Мароз краіны, заслужаны артыст Рэспублікі Беларусь Уладзімір Радзівілаў. Ён павіншаваў супрацоўнікаў скарбніцы ведаў кранальнай навагодняй песняй і пажадаў усім шчасця і веры ў цуды. Бо калі верыш – казка абавязкова ажыве.

Дарагія калегі, з надыходзячым 2019 годам!
Добрага святочнага настрою, прыемных сюрпрызаў і падарункаў, здароўя, любві і радасці вам і вашым блізкім!

Матэрыял падрыхтаваны аддзелам сувязей з грамадскасцю.

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Насельніцтва Зямлі: прагнозы, тэндэнцыі, праблемы

01.07.2020

З 1 ліпеня па 5 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Насельніцтва Зямлі: прагнозы, тэндэнцыі, праблемы”, прысвечаная Сусветнаму дню народанасельніцтва.

Вайна і мір. Беларусь памятае. Вяртанне

25.06.2020

1 ліпеня ў бібліятэцы адбудзецца ўрачыстае адкрыццё выстаўкі “Вайна і мір. Беларусь памятае. Вяртанне”.Праект прымеркаваны да 75-годдзя Вялікай Перамогі.

Выстаўка графікі “Полымя ваенных дзён”

17.06.2020

23 чэрвеня ў бібліятэцы адбылося адкрыццё выстаўкі графікі “Полымя ваенных дзён”, прысвечанай 75-годдзю Перамогі ў Вялікай Айчыннай вайне і прымеркаванай да Дня Незалежнасці.

Яго жыццё – тэатр

10.06.2020

З 1 чэрвеня па 3 жніўня ў зале беларускай літаратуры (пам. 205) праходзіць юбілейная выстаўка “Яго жыццё – тэатр”, прысвечаная 70-годдзю беларускага пісьменніка, заслужанага дзеяча мастацтваў Беларусі Аляксея Ануфрыевіча Дударава.

Вакол свету па кніжных старонках

15.06.2020

З 15 чэрвеня па 26 жніўня запрашаем на выстаўку “Вакол свету па кніжных старонках” у чытальнай зале аддзела міжбібліятэчнага абанемента і дастаўкі дакументаў (пам. 164).

Вобразы зменлівага свету: мастацтва японскай гравюры

12.06.2020

З 12 чэрвеня па 25 жніўня ў зале дакументаў па мастацтве (пам. 306) праходзіць кніжна-ілюстрацыйная выстаўка “Вобразы зменлівага свету: мастацтва японскай гравюры” з калекцыі выяўленчых дакументаў Нацыянальнай бібліятэкі Беларусі.



111