ГалоўнаяМерапрыемствыЗвіняць калядныя званы і запрашаюць на выставу
Жыццё вялікае і шчодрае
Без пэндзліка і фарбаў

Звіняць калядныя званы і запрашаюць на выставу

Звіняць калядныя званы і запрашаюць на выставу
Іншыя мерапрыемствы
3 снежня – 1 сакавіка
Дата правядзення
10.00–21.00
Час правядзення
галерэя "Ракурс" (2-гі паверх)
Месца правядзення

Напярэдадні свят у Нацыянальнай бібліятэцы адкрыецца светлая, маляўнічая і між тым глыбокая па сэнсе выстаўка жывапісу “Калядныя званы”, якая прадставіць работы беларускага мастака Рыгора Іванова.

Яго каларытныя вобразы падораць святочны настрой і станоўчыя эмоцыі наведвальнікам – званочкі, месяцы, чароўныя персанажы ўсміхнуцца і пажадаюць гледачам з кожнай карціны ўсяго самага добрага і светлага.

Рыгор Іваноў – вядомы беларускі мастак, член Беларускага саюза мастакоў, заснавальнік і родапачынальнік аўтарскага напрамку ў беларускім мастацтве пад назвай “святызм”, асноўнай ідэяй якога з'яўляецца ўспрыманне, што ўсё ёсць сіла і святло. Прадметы, людзі – усё гэта святло. І сама карціна – гэта аб'ект, які свеціцца. І тое, што намалявана на ёй, свеціць само па сабе, знутры.

“Мае «святычныя» карціны – гэта як медытацыя, малітва. Можна яе прамаўляць, а можна проста глядзець на Святло. Экраны-карціны адклікаюцца на дотык погляду, як экраны гаджэтаў на дотык рукі”, – адзначае аўтар. У працах мастака амаль фізічна адчуваецца светлавая пульсацыя.

Адчуць яе можна на выстаўцы, адкрыццё якой адбудзецца 3 снежня а 16-й гадзіне у галерэі “Ракурс” (2-гі паверх).


На мерапрыемства ўваход вольны, у астатні час – пры наяўнасці чытацкага білета або пропуску сацыякультурнага цэнтра.

Час работы выстаўкі адпавядае рэжыму работы бібліятэкі.

Тэлефон для даведак: (8 017) 293 28 81.
E-mail: pr@nlb.by

Чытайце таксама, як прайшло адкрыццё выстаўкі жывапісу “Калядныя званы”

Каментарыі карыстальнікаў:

Каментаванне даступна толькі зарэгістраваным карыстальнікам

Мерапрыемствы

Пясняр хараства і волі

06.07.2020

З 6 ліпеня па 1 верасня ў зале беларускай літаратуры (пам. 205) праходзіць выстаўка “Пясняр хараства і волі”, прысвечаная 120-годдзю з дня нараджэння беларускага паэта, празаіка, перакладчыка Уладзіміра Мікалаевіча Дубоўкі (1900 ці 1901–1976).

Насельніцтва Зямлі: прагнозы, тэндэнцыі, праблемы

01.07.2020

З 1 ліпеня па 5 жніўня ў аддзеле абслугоўвання афіцыйнымі дакументамі (пам. 207) адкрыта тэматычная выстава “Насельніцтва Зямлі: прагнозы, тэндэнцыі, праблемы”, прысвечаная Сусветнаму дню народанасельніцтва.

Вайна і мір. Беларусь памятае. Вяртанне

25.06.2020

1 ліпеня ў бібліятэцы адбудзецца ўрачыстае адкрыццё выстаўкі “Вайна і мір. Беларусь памятае. Вяртанне”.Праект прымеркаваны да 75-годдзя Вялікай Перамогі.

Выстаўка графікі “Полымя ваенных дзён”

17.06.2020

23 чэрвеня ў бібліятэцы адбылося адкрыццё выстаўкі графікі “Полымя ваенных дзён”, прысвечанай 75-годдзю Перамогі ў Вялікай Айчыннай вайне і прымеркаванай да Дня Незалежнасці.

Яго жыццё – тэатр

10.06.2020

З 1 чэрвеня па 3 жніўня ў зале беларускай літаратуры (пам. 205) праходзіць юбілейная выстаўка “Яго жыццё – тэатр”, прысвечаная 70-годдзю беларускага пісьменніка, заслужанага дзеяча мастацтваў Беларусі Аляксея Ануфрыевіча Дударава.



111