ГалоўнаяМерапрыемствыВыпрабаванне вернасцю
Выніковае мерапрыемства рэспубліканскага анлайн-конкурсу чытальнікаў “О, Беларусь, мая шыпшына”
За архіўным парогам

Выпрабаванне вернасцю

Выпрабаванне вернасцю
Іншыя мерапрыемствы
19 сакавіка – 28 красавіка
Дата правядзення
10.00–21.00
Час правядзення
пам. 205
Месца правядзення

Да 75-годдзя з дня нараджэння беларускай пісьменніцы Валянціны Коўтун у зале беларускай літаратуры (пам. 205) з 19 сакавіка па 28 красавіка праходзіць выстаўка “Выпрабаванне вернасцю”.

Імя Валянціны Коўтун (1946–2011) увайшло ў беларускую літаратуру ў сярэдзіне 1960-х гадоў і стала адным са знакавых у яе гісторыі. Арыгінальная, самабытная, адметная сваім афарыстычным мысленнем і смелай запамінальнай вобразнасцю.

Трываласць памяці пра пісьменніцу ўгрунтавана яе таленавітымі творамі. Сутнасць яе лірыкі – маральна-этычныя ўзаемаадносіны ў грамадстве, сувязь з духоўнымі традыцыямі народа. У полі зроку В. Коўтун – тэма бацькаўшчыны і тэма гісторыі як катэгорыі месца і часу. Радзіма для паэтэсы – найперш куток дзяцінства, куды яна вяртаецца зноў і зноў. На выстаўцы прадстаўлены кнігі вершаў і паэм “Каляровыя вёслы”, “На ўзлёце дня”, “Метраном”, “Лісты да цябе”, “Свяча любові”, паэтычныя зборнікі для дзяцей “Мы робім казку”, “Вясёлы заасад” і інш.

В.М. Коўтун – аўтар шэрагу празаічных твораў. Да ўвагі наведвальнікаў – кніга апавяданняў “Калінавая гронка залатая”, у якой пісьменніца праявіла сябе як майстар псіхалагічна-побытавага, рэалістычна аб’ектываванага пісьма. Прыкметнай падзеяй у сучаснай літаратуры стаў раман “Пакліканыя”, прысвечаны беларускай асветніцы Еўфрасінні Полацкай.

Амаль пятнаццаць творчых гадоў Валянціна Міхайлаўна аддала галоўнай кнізе свайго жыцця. “Крыж міласэрнасці” – інтэлектуальна-філасофскі раман-дылогія, прысвечаны жыццю і дзейнасці выдатнай беларускай паэткі Алаізы Пашкевіч (Цёткі). Постаць А. Пашкевіч– цэнтральны вобраз усёй творчасці В. Коўтун. Да поўнага разумення і ўвасаблення гэтага вобраза пісьменніца ішла паступова. Спачатку былі вершы, потым паэмы “На зломе маланкі” і “Суд Алаізы”. “Крыж міласэрнасці” – кніга тэматычна багатая, аднолькава дакументальная і мастацкая. Твор незвычайны па жанры, наватарскі. У 1989–1990 гг. на экраны выйшаў аднайменны мастацкі фільм.

Даследчыцкаму пяру Валянціны Міхайлаўны належаць працы па гісторыі беларускай літаратуры, народнай творчасці, сярод якіх “Святло народнага слова: паэтычны лад беларускай народнай песні”, “Крыніца паэзіі: на шляхах эпізацыі”, шматлікія артыкулы пра творчасць М. Танка, Н. Гілевіча, І. Мележа і інш. Асаблівай увагі патрабуюць яе цудоўныя пераклады з літоўскай, рускай, украінскай і іншых моў.

Дапаўняе экспазіцыю літаратура пра жыццёвы і творчы шлях В.М. Коўтун.


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 16.

Матэрыял пададзены аддзелам абслугоўвання спецыялізаванымі фондамі.

Мерапрыемствы

Кніга і аўтарскае права ў сучасным свеце

20.04.2021

З 20 красавіка па 23 мая ў зале дакументаў міжнародных арганізацый (пам. 207g) адкрыта тэматычная выстава “Кніга і аўтарскае права ў сучасным свеце”, прысвечаная Сусветнаму дню кніг і аўтарскага права.

Несуцішны боль Чарнобыля

23.04.2021

З 23 красавіка па 31 мая ў аддзеле абслугоўвання афіцыйнымі дакументамі (пам. 207) адкрыта тэматычная выстава “Несуцішны боль Чарнобыля”, прысвечаная Міжнароднаму дню памяці аб чарнобыльскай катастрофе і 35-годдзю з дня аварыі на Чарнобыльскай атамнай электрастанцыі (ЧАЭС).

Вялікая Айчынная вайна ў творах мастацкай літаратуры

05.05.2021

9 мая наша краіна адзначае знакавае свята – Дзень Перамогі. Да гэтай падзеі прымеркавана выстаўка “Вялікая Айчынная вайна ў творах мастацкай літаратуры”, арганізаваная сумесна з Нацыянальным архівам Рэспублікі Беларусь.

Фотападарожжа па Палессі

14.05.2021

19 мая а 17-й гадзіне ў галерэі “Панарама” (22-гі паверх) адбудзецца адкрыццё фотавыстаўкі “Птушкі Палесся”.

Чырвоная кніга

12.05.2021

13 мая ў музеі кнігі пачне працу выстава “Чырвоная кніга”. Галоўным экспанатам стане арт-кніга маладых беларускіх мастакоў Марыны Жвірбля і Фёдара Шурмялёва.

Размова з адвакатам аб праве на абарону ў адміністратыўным судаводстве

07.05.2021

Запрашаем карыстальнікаў на бясплатную тэматычную сустрэчу з адвакатам, арганізаваную ў рамках сумесных мерапрыемстваў Нацыянальнай бібліятэкі Беларусі і Беларускай рэспубліканскай калегіі адвакатаў.



Бібліятэкарам
111