ГалоўнаяМерапрыемствыСусвет Станіслава Лема
У нагу з часам: сучаснасць і будучыня бібліятэкі ў лічбавую эпоху
Сугучча гукаў і фарбаў (+відэа)

Сусвет Станіслава Лема

Сусвет Станіслава Лема
Іншыя мерапрыемствы
27 жніўня – 5 студзеня
Дата правядзення
10.00–21.00
Час правядзення
кальцавы калідор (3-ці паверх)
Месца правядзення

З 27 жніўня па 5 студзеня на кальцавым калідоры 3-га паверха працуе выстаўка “Сусвет Станіслава Лема”, прымеркаваная да 100-гадовага юбілею сусветна вядомага фантаста.

Глыбокі мысліцель, філосаф, гісторык культуры, футуролаг, фельетаніст, публіцыст і паэт, у сваёй творчасці Лем даследаваў мноства тэм: кібернетыка і штучны інтэлект, развіццё тэхналогій і віртуальная рэальнасць, міжзорныя вандроўкі і магчымасць кантакту з пазаземнымі цывілізацыямі. Яго творы перакладзены больш чым на 40 моў, іх наклады перавысілі 30 мільёнаў асобнікаў. Галоўнае – яго кнігі чытаюць і перачытваюць, яны па-ранейшаму актуальныя і запатрабаваныя.

На выстаўцы “Сусвет Станіслава Лема” прадстаўлена адзіная ў краіне максімальна поўная кніжная калекцыя кампетэнтнага лемолага, перакладчыка твораў і даследчыка творчасці С. Лема, кандыдата тэхнічных навук Віктара Язневіча. Калекцыя ўключае больш за 800 кніг, выдадзеных у 43 краінах свету, прыжыццёвыя выданні твораў, асобнікі з аўтографамі і ўладальніцкімі пазнакамі, даследаванні і матэрыялы з канферэнцый і мерапрыемстваў, прысвечаных асобе і творчасці пісьменніка.

Экспазіцыя дазваляе ўсебакова пазнаёміцца з творчай спадчынай і мастацкім афармленнем кніг С. Лема, выдадзеных у розных краінах, а таксама з успрыманнем твораў рознымі народамі: немцамі і іспанцамі, грэкамі і італьянцамі, нарвежцамі і французамі, беларусамі і рускімі.

Lem-4.jpg


Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 368 37 37.

Матэрыял пададзены аддзелам галерэйна-выставачнай дзейнасці.

Мерапрыемствы

У пошуках радасці

03.12.2021

З 3 снежня па 10 студзеня ў зале дакументаў па мастацтве (пам. 306) праходзіць кніжна-ілюстрацыйная выстава “У пошуках радасці”, прысвечаная 160-годдзю з дня нараджэння рускага жывапісца, прадстаўніка рускага імпрэсіянізму Канстанціна Аляксеевіча Каровіна (1861–1939).

Навагодняе ператварэнне з імідж-стылістам Кацярынай Макар

03.12.2021

З набліжэннем Каляд і Новага года ў многіх з нас узнікаюць пытанні: як лепш сустрэць гэтыя чароўныя зімовыя святы, дзе і з кім іх адзначаць, якія стравы прыгатаваць? Немалаважную ролю адыгрывае і адзенне, у якім мы будзем сустракаць 2022 год.

Канцэрт піяніста Андрэя Кіранава

03.12.2021

У суботу, 11 снежня, малады беларускі піяніст, чытач Нацыянальнай бібліятэкі Андрэй Кіранаў выступіць з сольным канцэртам, прымеркаваным да 210-годдзя з дня нараджэння венгерскага кампазітара Ферэнца Ліста.



Бібліятэкарам