Дата правядзення
Час правядзення
Месца правядзення
Кошт наведвання
8 кастрычніка ў галерэі “Панарама” (22-гі паверх) пройдзе аўтарская экскурсія па выстаўцы Марыны Бацюковай “Вопыт прысутнасці”.
Марына Бацюкова – удзельніца і куратар шматлікіх выставак і праектаў у Беларусі і за мяжой, член Беларускага саюза мастакоў, Беларускага грамадскага аб’яднання фатографаў. Яе экспазіцыя “Вопыт прысутнасці” –гэта серыя здымкаў, зробленых падчас падарожжаў па Германіі, Ізраілі, Азербайджане, Грузіі, Францыі і Арменіі. Гэта візуальны дзённік уражанняў ад асабістага знаёмства з краінамі, мастацкія вынаходкі і ўнікальныя вобразы.
Наведвальнікі атрымаюць унікальную магчымасць здзейсніць падарожжа па 6-ці краінах свету з гідам-фотамастаком – аўтарам прадстаўленых у экспазіцыі работ. Экскурсія пройдзе ў межах культурна-пазнавальных сустрэч “Па-за вернісажам”.
Пачатак а 16-й гадзіне. Удзельнікаў чакаем з 16.45 да 17.00 у холе Нацыянальнай бібліятэкі Беларусі.
Уваход на экскурсію – па пропуску сацыякультурнага цэнтра (кошт – 1.50 руб.) або па білеце чытача.
У астатні час наведванне выстаўкі ўваходзіць у кошт наведвання агляднай пляцоўкі.
Тэлефон для даведак: (8 017) 293 28 33.
