Дата правядзення
Час правядзення
Месца правядзення
Абляцеўшы зямлю ў караблі-спадарожніку,
я ўбачыў, якая прыгожая наша планета.
Людзі, будзем захоўваць і прымнажаць
гэтую прыгажосць, а не разбураць яе.
Юрый Гагарын
З 27 лютага па 27 сакавіка ў чытальнай зале міжбібліятэчнага і індывідуальнага абанемента (пам. 164) праходзіць выстава “Зоркам насустрач”, прысвечаная 90-годдзю з дня нараджэння Юрыя Гагарына.
Юрый Аляксеевіч Гагарын назаўжды ўпісаў сваё імя ў гісторыю XX стагоддзя, здзейсніўшы 12 красавіка 1961 года першы палёт чалавека ў космас. На касмічным караблі “Усход”, які стартаваў з касмадрома “Байканур”, савецкі касманаўт ажыццявіў арбітальны абарот вакол Зямлі. Палёт доўжыўся толькі 108 хвілін, але стаў найвялікшай сусветнай падзеяй.
Прапанаваныя выданні раскажуць пра жыццё героя-касманаўта, яго любоў да неба і набліжэнне да мары. Акунуць у цёплыя ўспаміны яго родных: маці, жонкі, брата. На выставе можна пазнаёміцца з аўтарскімі працамі Юрыя Гагарына: аўтабіяграфічнай аповесцю “Дорога в космос” і кнігай “Психология и космос”, створанай у сааўтарстве з лекарам-псіхолагам У.І. Лебедзевым, аўтарскі подпіс на вёрстцы якой Юрый Аляксеевіч паставіў 25 сакавіка 1968 года – за дзень да трагічнай гібелі.
Не менш цікавыя дакументы пра гісторыю касманаўтыкі, тых, хто стаяў ля яе вытокаў, развіццё касмічнай тэхнікі, памятныя падзеі з жыцця касманаўтаў.
Асобны раздзел экспазіцыі прысвечаны асэнсаванню і асваенню космасу ў Беларусі, навукоўцам і касманаўтам, якія ўнеслі значны ўклад у развіццё беларускай касманаўтыкі.
Час працы выставы адпавядае рэжыму працы чытальнай залы міжбібліятэчнага і індывідуальнага абанемента.
Уваход – па чытацкім білеце або білеце сацыякультурнага цэнтра.
Тэлефон для даведак: (8 017) 293 27 10.
Матэрыял пададзены аддзелам бібліятэчнага абслугоўвання.