19 красавіка ў прэс-цэнтры бібліятэкі ў рамках мерапрыемстваў віртуальнай чытальнай залы прайшоў семінар “Сучасныя рашэнні Znanium для бібліятэк: магчымасці і асаблівасці”.
Znanium – універсальная, шматпрофільная электронна-бібліятэчная сістэма. ЭБС уключае поўныя тэксты падручнікаў, вучэбных дапаможнікаў для вышэйшай і сярэдняй спецыяльнай адукацыі; манаграфіі, слоўнікі і даведнікі, спецыяльныя перыядычныя выданні па гуманітарных і прыродазнаўчых навуках, эканоміцы, праве, медыцыне, рэлігіі, педагогіцы і інш.
У якасці спікера семінара выступіў Аляксей Еманаў, кіраўнік напрамку развіцця ТАА “Знаниум”. Ён прадставіў удзельнікам трохмодульную структуру і функцыянал ІОС Znanium, асаблівасці пошукавай сістэмы, сэрвісы ўзаемадзеяння з ЭБС, эфектыўнае выкарыстанне рыдара. На прыкладзе аналітычнага модуля DiscoveryZnanium былі разгледжаны асаблівасці сучасных дыскаверы-сістэм, сэрвісы пошуку і аналізу тэкстаў.
Доступ да ЭБС “Znanium” адкрыты для зарэгістраваных карыстальнікаў Нацыянальнай бібліятэкі Беларусі і бібліятэк – партнёраў па віртуальнай чытальнай зале.
Запрашаем да супрацоўніцтва ўсе зацікаўленыя арганізацыі нашай краіны па пытаннях падпіскі на ліцэнзійныя базы даных і навучання працы з імі.
Матэрыял пададзены аддзелам карпаратыўнага ўзаемадзеяння.