24 сакавіка ў бібліятэцы прайшла прэзентацыя адукацыйнай платформы “Юрайт” – электроннага рэсурсу для інфармацыйнага забеспячэння адукацыйных працэсаў ва ўстановах вышэйшай і сярэдняй спецыяльнай адукацыі.
Удзельнікі пазнаёміліся з політэматычным лічбавым кантэнтам, прадстаўленым на платформе “Юрайт”, а таксама са шматлікімі магчымасцямі для арганізацыі інтэрактыўнай дыстанцыйнай адукацыі і кантролю ведаў навучэнцаў.
Мерапрыемства прайшло ў анлайн-фармаце. У ім узялі ўдзел прадстаўнікі бібліятэк устаноў вышэйшай і сярэдняй спецыяльнай адукацыі з розных рэгіёнаў нашай краіны.
Віртуальная чытальная зала адкрыта для супрацоўніцтва з усімі зацікаўленымі арганізацыямі нашай краіны па пытаннях падпіскі на ліцэнзійныя базы даных і навучання працы з імі.
Запрашаем да партнёрства!
Матэрыял пададзены аддзелам карпаратыўнага ўзаемадзеяння.
