Да 1 ліпеня 2020 года чытачам Нацыянальнай бібліятэкі Беларусі падоўжаны аддалены доступ да шырокага спектру інфармацыйных рэсурсаў у электронна-бібліятэчнай сістэме “Znanium”.
Нашым карыстальнікам даступны навучальныя дапаможнікі, манаграфіі, энцыклапедыі, слоўнікі і даведнікі, спецыяльныя перыядычныя выданні па грамадска-гуманітарных, натуральных навуках і медыцыне больш за 50 выдавецтваў Рэспублікі Беларусь і краін СНД (уключаючы выдавецтвы “Белорусская наука”, “Вышэйшая школа”, “Медицинская литература”, “Аспект-пресс”, “КАРО”, “Флинта” і інш.).
Працаваць з імі можна з любой зручнай для вас кропкі доступу. Для гэтага неабходна толькі зарэгістравацца на платформе (прапануем скарыстацца пакрокавай інструкцыяй).
Інфармацыя пра гэтыя і іншыя ліцэнзійныя электронныя рэсурсы і магчымасці аддаленай працы з імі, рэсурсы адкрытага доступу, а таксама рэсурсы, якія ствараюцца НББ, даступна ў раздзелах “Электронныя інфармацыйныя рэсурсы” і “COVID-19: навуковыя рэсурсы вядучых сусветных выдавецтваў".
Зычым вам плённай працы і вучобы!
Матэрыял прадастаўлены аддзелам карпаратыўнага ўзаемадзеяння.