Нацыянальная бібліятэка Беларусі стала адным з арганізатараў конкурсу буктрэйлераў – кароткіх відэаролікаў, прысвечаных пэўнай кнізе. Сярод задач конкурсу – стварэнне калекцыі такіх відэа для далейшай перадачы ў бібліятэчную сістэму рэспублікі. У спецыяльнай рубрыцы нашага партала можна пазнаёміцца з матэрыяламі, створанымі маладымі для маладых.Тэксты лаўрэата Нобелеўскай прэміі Святланы Алексіевіч натхнілі многіх удзельнікаў конкурсу (а сярод іх – моладзь ад 14 да 31 года). Асаблівай папулярнасцю карысталася дакументальна-нарысавая кніга “У вайны не жаночае аблічча” – магчыма, менавіта праз несумяшчальнасць архетыпаў “жанчына” і “вайна”, вынесеных у назву.
Заінтрыгаваныя, а пасля і захопленыя праўдзівымі аповедамі ўдзельніц ваенных падзей, канкурсанты прапанавалі ўласнае бачанне гэтай кнігі.
Адзначым, што інтэрпрэтацыі адрозніваюцца як тэхнічна, так і канцэптуальна. Хтосьці вырашыў зняць невялікае сюжэтнае відэа, аматарскае, але захапляльнае і кранальнае:
Хтосьці вырашыў зрабіць акцэнт на дакументалізме кнігі і рэальнасці персанажаў ды падзей у ёй:
Для некага апынуўся больш прымальным хутчэй журналісцкі падыход:
А хтосьці паспрабаваў працаваць найперш з візуальнымі вобразамі, “ажыўляючы” старыя фота.
Розныя па чытацкім бачанні і спосабе рэалізацыі, гэтыя відэа спалучаныя адным – жаданнем данесці важную кнігу да сучаснага чытача.
Матэрыял падрыхтаваны аддзелам суправаджэння інтэрнэт-партала.