ГалоўнаяНавіныКніжныя выстаўкі
Творчыя заняткі “Смайлік”
Гэты мастак малюе самыя незвычайныя істоты беларускага фальклору – вы дакладна пра такіх не ведалі!

Калі гліна ажывае

Калі гліна ажывае
Іншыя навіны

З 27 верасня па 17 кастрычніка ў зале дакументаў па мастацтве (пам. 306) праходзіць кніжна-ілюстрацыйная выстава “Калі гліна ажывае”: кераміка і фарфор з калекцыі выяўленчых дакументаў Нацыянальнай бібліятэкі Беларусі.

Гісторыя сусветнай керамікі надзвычай разнастайная і цікавая, яна ўражвае масай адкрыццяў і дасягненняў, здзіўляе багаццем відаў і тэхнік, багаццем спадчыны, створанай майстрамі розных эпох і краін. Бо кераміка (ад грэч. “keramos” – гліна) вядома з глыбокай старажытнасці, калі людзі пачалі асвойваць гліну, якая ляжыць у аснове ўсёй разнастайнасці фарфоравых і керамічных вырабаў і нібы ажывае ў руках майстра. Не баючыся эксперыментаў, старажытныя егіпцяне, а пазней і антычныя майстры ўжо смела выкарыстоўвалі новыя тэхнікі.

У IV–VI стст. сапраўдны пераварот у гісторыі керамікі здзейснілі кітайцы: багатыя радовішчы кааліну (кітайскай гліны) дазволілі вынайсці фарфор – від тонкай керамікі, які ствараецца з сумесі розных гатункаў гліны і прасвечваючай глазуры, што падвяргаюцца высокай тэмпературы абпалу. Да ХVIII ст. кітайскія вырабы шырока распаўсюдзіліся ў Еўропе і спрыялі далейшым адкрыццям ва ўсім свеце.

Сёння наша жыццё ўжо цяжка ўявіць без керамічных і фарфоравых вырабаў: гэта посуд, вазы, чайнікі, статуэткі, падсвечнікі і іншыя шматлікія прадметы дэкору і інтэр’еру, якія не толькі прымяняюцца ў побыце, але і з’яўляюцца прадметамі калекцыяніравання.

На выставе прадстаўлены альбомы рэпрадукцый, паштоўкі, энцыклапедыі, каталогі выстаў, артыкулы, прысвечаныя гісторыі керамікі і фарфору розных краін свету. З дапамогай выяўленчых дакументаў карыстальнікі прасочаць увесь шлях развіцця керамічных і фарфоравых вырабаў ад старажытнасці да сучаснасці, нацешацца шэдэўрамі знакамітых фарфоравых мануфактур Мейсена і Сеўра, керамікай Пабла Пікасо, рускім імператарскім фарфорам і вырабамі прыватных мануфактур, сярод якіх майстэрні Франца Гарднера, Леапольда Банафедзе, завод братоў Гуліных, таварыства М.С. Кузняцова.

Экспазіцыя дазваляе параўнаць керамічныя і фарфоравыя вырабы розных краін, такіх як Кітай і Карэя, Узбекістан і Казахстан, Арменія і Грузія, Украіна, Літва і Латвія. Парадуюць наведвальнікаў выявы такіх знаёмых з савецкага мінулага фарфоравых фігурак, якія некалі былі амаль у кожнай сям’і, а цяпер працягваюць выклікаць цікавасць многіх калекцыянераў. Варта зірнуць і на рэпрадукцыі агітацыйнага фарфору, пазнаёміцца з творчымі эксперыментамі майстэрні Казіміра Малевіча, Сяргея Чахоніна.

Заслугоўваюць увагі выявы, якія прадстаўляюць працы беларускіх керамістаў: Мікалая Міхалапа, Мікалая Пушкара, сучасных майстроў, сярод якіх Анатоль Концуб, Мікалай Байрачны, Валерый і Максім Калтыгіны, Людміла і Валерый Кавальчукі, Мікалай Несцярэўскі і іншыя.

Дапаўняюць выставу кнігі аб разнастайнасці відаў керамікі і асаблівасцях тэхналогіі іх стварэння. Дзякуючы маляўнічым энцыклапедычным выданням наведвальнікі змогуць разабрацца ў асаблівасцях тонкай і грубай керамікі, навучыцца адрозніваць фарфор і фаянс, маёліку і кафлю.


Спіс літаратуры

Час работы выстаўкі адпавядае рэжыму работы бібліятэкі.
Уваход – па чытацкім білеце або білеце сацыякультурнага цэнтра.

Тэлефон для даведак: (8 017) 293 27 53.

Матэрыял пададзены аддзелам абслугоўвання спецыялізаванымі фондамі.

Навіны

Апублікавана праграма кангрэса “Бібліятэка як феномен культуры”

20 Кас 2021

Апублікавана праграма VІІ Міжнароднага кангрэса “Бібліятэка як феномен культуры”, які пройдзе 21–22 кастрычніка 2021 года на базе Нацыянальнай бібліятэкі Беларусі.

Навіны Нацыянальнай бібліятэкі Беларусі

Бунтар, правакатар, геній

20 Кас 2021

З 20 кастрычніка па 30 лістапада ў зале дакументаў па мастацтве (пам. 306) праходзіць кніжна-ілюстрацыйная выстава “Бунтар, правакатар, геній”, прысвечаная 140-годдзю з дня нараджэння іспанскага мастака Пабла Пікаса (1881–1973).

Кніжныя выстаўкі

Мір, годнасць і роўнасць на здаровай планеце

14 Кас 2021

З 14 кастрычніка па 30 лістапада ў аддзеле абслугоўвання афіцыйнымі дакументамі (пам. 207) адкрыта тэматычная выстава “Мір, годнасць і роўнасць на здаровай планеце”, прысвечаная Дню Арганізацыі Аб’яднаных Нацый.

Кніжныя выстаўкі

Першы беларускі

20 Кас 2021

Да 100-годдзя з часу заснавання Беларускага дзяржаўнага ўніверсітэта на трэцім паверсе кальцавога калідора бібліятэкі арганізавана выстаўка “Першы беларускі”.

Кніжныя выстаўкі

Запрашаем паслухаць голас Кузьмы Чорнага

18 Кас 2021

Віртуальны праект “На хвалі часу, у плыні жыцця” і раздзел, прысвечаны 120-годдзю з дня нараджэння Кузьмы Чорнага, папоўніўся каштоўнымі матэрыяламі. Дзелімся з усімі зацікаўленымі чарговымі навінкамі.

Да 100-годдзя літаб'яднання "Маладняк"

Метадычнае суправаджэнне дзейнасці публічных бібліятэк

18 Кас 2021

13–14 кастрычніка ў рамках метадычнага суправаджэння дзейнасці публічных бібліятэк спецыялісты навукова-даследчага аддзела бібліятэказнаўства Нацыянальнай бібліятэкі Беларусі наведалі бібліятэкі Віцебскага рэгіёна.

Навіны Нацыянальнай бібліятэкі Беларусі

Бібліятэкарам