З 1 па 30 чэрвеня ў зале перыядычных выданняў (пам. 106) адкрыта выстаўка “Лепшыя перыядычныя выданні”.
Ужо сёмы год запар у прафесійнае свята – Дзень друку – праходзіць урачыстая цырымонія ўзнагароджання пераможцаў і лаўрэатаў VII Нацыянальнага конкурсу друкаваных сродкаў масавай інфармацыі “Залатая Літара”.
Асноўнай мэтай конкурсу, які праводзіць Міністэрства інфармацыі Рэспублікі Беларусь, з’яўляецца ўсямернае садзейнічанне развіццю друкаваных сродкаў масавай інфармацыі Рэспублікі Беларусь, актуалізацыя значымых напрамкаў дзейнасці друкаваных СМІ па рэалізацыі дзяржаўнай інфармацыйнай палітыкі, павышэнне прафесійнага і ідэйна-зместавага ўзроўню друкаваных СМІ, стымуляванне творчай дзейнасці журналістаў і іншых творчых работнікаў, занятых у працэсе вытворчасці друкаваных СМІ.
У конкурсе ўдзельнічалі друкаваныя сродкі масавай інфармацыі, інфармацыйныя агенцтвы і персаналіі.
На выставачных стэндах прадстаўлены перыядычныя выданні, якія сталі лаўрэатамі конкурсу. Дакументы, якія экспануюцца, размеркаваны па групах і намінацыях. Сярод пераможцаў – добра знаёмыя ўсім газеты і часопісы.
Гран-пры конкурса ў намінацыі “Лепшы творчы праект года рэспубліканскіх друкаваных СМІ, інфармацыйных агенцтваў” атрымалі газеты “Белорусская военная газета. Во славу Родины” (за праект “Во славу Родины – 90 лет”), “Культура” (праект “Вяртанне імёнаў”), “Знамя юности” (праект “Литгостиная”). У намінацыі “Лепшы творчы праект года рэгіянальных, шматтыражных друкаваных СМІ” лаўрэатамі сталі рэдакцыі газет “Заря” (за праект “Письма войны”), “Мінская праўда” (праект “Солдаты Победы”), “Ляхавіцкі веснік” (праект “Землякі”).
Газета “Советская Беларусь” і часопіс “Планета” – першыя ў намінацыі “Лепшыя матэрыялы грамадска-палітычнай тэматыкі”.
Сярод лаўрэатаў “Залатой Літары” – перыядычныя выданні “Белорусская нива”, “Рэспубліка”, “Літаратура і Мастацтва”, “Беларуская думка”, “Беларускі гістарычны часопіс”, “Where Minsk” і інш.
Кантактны тэлефон: 293-25-87.
 |
 |
 |
 |
