ГалоўнаяНавіныКніжныя выстаўкі
“Лабірынты” Вацлава Ластоўскага: забі Мінатаўра ўнутры сябе
Пра лёс работнікаў бібліятэкі ў гады вайны – у новым інтэрнэт-рэсурсе

Напісанае застаецца

Напісанае застаецца
Іншыя навіны

З 4 мая па 1 чэрвеня  ў зале беларускай літаратуры (пам. 205) праходзіць кніжная выстаўка “Напісанае застаецца”, прысвечаная 90-годдзю з дня нараджэння беларускага пісьменніка, драматурга, публіцыста Алеся Петрашкевіча (1930–2012).

Творам драматурга ўласцівы сцэнічнасць, дынамізм сюжэта, вострая інтрыга, дакладнасць моўнай характарыстыкі вобразаў, спалучэнне народнага гумару са з’едлівай сатырай, распрацоўка гістарычнай тэматыкі. У п’есах  Алеся Петрашкевіча гучыць шчырая і часта горкая праўда пра далёкае і нядаўняе мінулае беларускага народа.

У раздзеле “У неспакойным пошуку” сабраны п’есы “Адкуль грэх”, “Трывога”, “Укралі кодэкс”, драмы “Соль”, “Прарок для Айчыны”, “У спадчыну – жыццё”, аўтабіяграфічныя апавяданні “Песня”, “Засада”, “Інфаркт” з ваеннага і пасляваеннага жыцця аднавяскоўцаў, блізкіх пісьменніку людзей. Таксама прадстаўлены  творы гістарычнай тэматыкі  “Напісанае застаецца”, “Воля на крыжы”, “Меч Рагвалода”, “Здрапежаная зямля” і інш. Асаблівую цікавасць прадстаўляе кніга-ўспамін “Крыніцы і каламуць” (2008), якая вызначаецца іроніяй і сарказмам аўтара як да самога сябе, так і да тых, да каго яму давялося мець дачыненне. Наведвальнікам бібліятэкі будзе цікава пазнаёміцца  са сцэнарыем, які быў напісаны Алесем Перашкевічам да мастацкага фільма “Час выбраў нас”.

Дапаўняюць экспазіцыю творы А. Петрашкевіча, перакладзеныя на рускую і ўкраінскую мовы.

Раздзел “Драматургія жыцця” знаёміць з публікацыямі, змешчанымі ў энцыклапедычных выданнях, артыкуламі пра жыццё і творчасць пісьменніка.


Час работы выстаўкі адпавядае рэжыму работы бібліятэкі.
Уваход– па чытацкім білеце ці білеце сацыякультурнага цэнтра.

Тэлефон для даведак: (8 017) 293 27 16.

Матэрыял прадастаўлены аддзелам абслугоўвання спецыялізаванымі фондамі.

Навіны

Беларускі фальклор і “Век людзей”

13 Жні 2020

З красавіка 2019 года ў літаратурным часопісе “Маладосць” друкуецца фэнтэзійны раман “Век людзей” супрацоўніцы аддзела суправаджэння інтэрнэт-партала НББ Маргарыты Латышкевіч.
Ці варта сёння пісаць фантастыку і дзе карані “Века”? Аўтарка, якая вядзе на партале НББ чытацкі блог, распавяла пра свой вопыт напісання вялікай прозы.

Аўтарскі погляд

Супрацоўнік Нацыянальнай бібліятэкі ўзяў удзел у перадачы тэлеканала “Россия 1”

12 Жні 2020

Андрэй Бараноўскі, галоўны бібліёграф НІА бібліяграфіі Нацыянальнай бібліятэкі Беларусі, гісторык-краязнаўца, аўтар кнігі “Лепельское пехотное училище”, узяў удзел у тэлевізійнай перадачы тэлеканала “Россия 1” з цыкла “Память огненных лет”.

Навіны Нацыянальнай бібліятэкі Беларусі

11 Жні 2020

Паступовыя змены ў жыцці грамадства пэўным чынам адбіваюцца і на перакананнях, на думках пісьменнікаў, асабліва тых, якія ствараюць на працягу некалькіх дзесяцігоддзяў. З Міколам Чарняўскім, празаікам, паэтам, публіцыстам, аўтарам шматлікіх твораў для дзяцей, паразмаўлялі пра бачанне мінулага і сучаснасці, а таксама пра спадзяванні ды будучыню.

Навіны бібліятэк

10 Жні 2020

Знакаміты беларускі навуковец Гаўрыла Гарэцкі нарадзіўся 10 красавіка 1900 года ў вёсцы Малая Багацькаўка Мсціслаўскага павета ў сям’і Івана і Еўфрасінні Гарэцкіх. У нашай гісторыі ён вядомы як геолаг, географ, эканаміст, адзін з заснавальнікаў і акадэмік Беларускай акадэміі навук, дырэктар Беларускага навукова-даследчага інстытуту сельскай і лясной гаспадаркі, заслужаны дзеяч навукі Беларусі. З яго сям’і выйшаў і вядомы беларускі пісьменнік Максім Гарэцкі – старэйшы брат Гаўрылы.

Навіны бібліятэк

111