З 5 студзеня па 8 лютага 2009 года ў аддзеле абслугоўвання афіцыйнымі дакументамі Нацыянальнай бібліятэкі Беларусі (2 паверх, пакой 207) адкрыта тэматычная кніжная выстаўка “Права ведаць свае правы”, прысвечаная Міжнароднаму году навучання ў галіне праў чалавека.
Гэты Год быў абвешчаны Генеральнай Асамблеяй ААН 18 снежня 2007 г. (резалюцыя 62/171) і пачаўся з 10 снежня 2008 г., у дзень святкавання 60-годдзя Усеагульнай дэкларацыі праў чалавека. Абвяшчэнне Года дае магчымасць вызначыць і ажыццявіць мерапрыемствы, накіраваныя на прапаганду існуючых нормаў у галіне праў чалавека на ўсіх узроўнях. Ён накіраваны на забеспячэнне больш актыўнай падтрымкі і абароны ўсіх праў і асноўных свабод чалавека, у тым ліку і права на развіццё.
Правы чалавека сёння – базавая каштоўнасць, якая прызнаецца ўсімі дэмакратычнымі дзяржавамі. Свабоднае і эфектыўнае ажыццяўленне праў чалавека з’яўляецца адной з асноўных прымет грамадства і прававой дзяржавы.
Выстаўка, якая прапануецца чытачам, налічвае больш за 100 дакументаў. Большую частку экспазіцыі складаюць дакументы міжнародных арганізацый (ААН, ЮНЕСКА, Еўрапейскага Саюза, Савета Еўропы і інш.) на рускай і англійскай мовах: кнігі, перыядычныя выданні, мімеаграфічныя матэрыялы ААН, брашуры, буклеты.
Экспазіцыя ўключае наступныя тэматычныя раздзелы:
- асноўныя міжнародныя дакументы па правах чалавека;
- міжнародныя, нацыянальныя і рэгіянальныя праграмы адукацыі ў галіне праў чалавека;
- сістэма адукацыі ў галіне праў чалавека ў вышэйшай школе;
- навучанне правам чалавека ў агульнаадукацыйнай школе і прафесійна-тэхнічных навучальных установах;
- навучанне правам чалавека ў грамадскіх інстытутах, у сям’і і праз сродкі масавай інфармацыі;
- навучанне ў галіне праў чалавека педагогаў і выхавальнікаў;
- сістэма адукацыі ў галіне праў чалавека ў Рэспубліцы Беларусь.
Прыняцце Усеагульнай дэкларацыі праў чалавека стала важным этапам у нашай гісторыі. Але і ў ХХІ стагоддзі чалавецтва па-ранейшаму сутыкаецца з сітуацыямі, якія ўяўляюць сур’ёзную пагрозу правам чалавека і чалавечай годнасці. У сувязі з гэтым інфармаванасць аб сваіх правах з’яўляецца адным з фактараў, якія даюць чалавеку магчымасць самастойна паляпшаць умовы свайго жыцця. Аднак навучанне ў галіне праў чалавека павінна выходзіць за межы простага распаўсюджвання інфармацыі і ўяўляць сабой комплексны і пастаянны працэс.
На думку Генеральнага сакратара ААН Пан Гі Муна, “адукацыя ў галіне праў чалавека – гэта значна больш, чым проста ўрок у школе або тэма дня; гэта працэс азнаямлення людзей з механізмамі, неабходнымі ім для жыцця ва ўмовах бяспекі і з пачуццём годнасці”.
Сур’ёзныя меры па стварэнні сістэмы адукацыі ў галіне праў чалавека ўжо ажыццявіліся ў Рэспубліцы Беларусь. Назапашаны пэўны вопыт у выкладанні праў чалавека, склалася сістэма іх вывучэння і аналізу. Створаны заканадаўчая і нарматыўная базы для эфектыўнага развіцця сістэмы адукацыі ў галіне праў чалавека, рэалізаваны шэгар мер па навукова-метадычным забеспячэнні навучальнага працэсу.
Выстаўка будзе цікавая для педагогаў, выхавальнікаў, спецыялістаў у галіне міжнароднага права, сусветнай палітыкі, міжнародных адносін і праў чалавека, а таксама студэнтаў, магістрантаў, выкладчыкаў, палітычных і грамадскіх дзеячаў і ўсіх тых, хто цікавіцца станам і рэалізацыяй праў чалавека ў сучасным свеце.
Спасылкі на Інтэрнет – рэсурсы:
- Маскоўская школа праў чалавека
- Асацыяцыя па навучанні ў галіне праў чалавека
- Дзесяцігоддзе адукацыі ў галіне праў чалавека ААН
Арганізацыя Аб’яднаных Нацый
- Дзень праў чалавека
- Правы чалавека
- Камітэт па сацыяльных і гуманітарных пытаннях і пытаннях культуры (Трэці камітэт)
- Глабальныя пытанні парадку дня ААН: правы чалавека
- Школьны кібераўтобус - канферэнцыя вучняў па правах чалавека ў ААН
- Міжнародны крымінальны суд
Упраўленне Вярхоўнага камісара ААН па правах чалавека
- Message of the High Commissioner for Human Rights
- Камітэт па правах чалавека
- Камісія па правах чалавека
- Падкамісія па падтрымцы і абароне праў чалавека
- Committee against Torture
- Human Rights Bodies
- Human Rights Issues
- International Law
Міжнародная арганізацыя працы
- International Labour Standards Reporting and UN Human Rights Activities
- Human Rights in the Working World
- Дэкларацыя МАТ аб асноватворных прынцыпах і правах у сферы працы
- Стандарты і асноватворныя прынцыпы і правы ў сферы працы
ЮНЕСКА
ЮНІСЕФ
Фонд ААН для развіцця ў інтарэсах жанчын
Праграма развіцця ААН
- Міжведамасная кампанія па правах жанчын у Лацінскай Амерыцы і краінах Карыбскага басейна
- Гендэрная роўнасць
Навукова-даследчы інстытут сацыяльнага развіцця пры ААН