З 4 сакавіка па 29 красавіка ў зале перыядычных выданняў (пам. 106) праходзіць тэматычная выстаўка “Прырода супраць «салодкага жыцця»: пра шкодныя звычкі”.
Наркаманія, курэнне, алкагалізм – найцяжэйшыя праблемы нашага часу, прычына мноства хвароб і дачаснай смяротнасці чалавека ў сучасным свеце. Згубныя звычкі імкліва распаўсюджваюцца сярод людзей розных узростаў і сацыяльнага становішча, а ў многіх краінах яны прызнаны сацыяльным бедствам. Спецыялісты лічаць, што ва ўзнікненні і распаўсюджванні наркаманіі, алкагалізму, курэння істотную ролю іграюць біялагічныя, псіхалагічныя, культурныя і сацыяльныя фактары. Асабліва акцэнтуецца ўвага на пагібельным уплыве шкодных звычак у маладзёжным асяроддзі, у выніку чаго паражаецца сучаснасць і будучыня грамадства.
Аўтары публікацый у часопісах “Здравоохранение”, “Воспитание школьников”, “Выхаванне і дадатковая адукацыя”, “Медицинский журнал”, “Здаровы лад жыцця”, “Народная асвета”, прадстаўленых на выстаўцы, аналізуюць фактары, якія ўплываюць на падлеткавую наркаманію і курэнне ў маладзёжным асяроддзі, разглядаюць унутрысямейныя, асобасныя, сацыяльныя і іншыя прычыны залежнасці. Пра згубныя звычкі як прававую праблему раскажуць артыкулы ў часопісах “Юстыцыя Беларусі”, “Законность и правопорядок”, “Юридический мир”, “Кадровая служба”, “Милиция Беларуси”. Паглядзець на алкагалізм, курэнне і наркаманію як на медыцынскую праблему дапамогуць перыядычныя выданні “Здоровье и успех”, “Вопросы организации и информатизации здравоохранения”, “Мир медицины”, “Здоровье”, “Медицинская панорама”.
Усяго экспазіцыя налічвае каля 40 дакументаў.
Кантактны тэлефон: (8 017) 293 25 87.
 |
 |
 |
 |
 |
 |
